ئاژانسی ئەعماقی سەر بە داعش بەبێ خستنەڕووی هیچ بەڵگەیەک ڕادەگەیەنێت داعش هێرشە خۆکوژییەکانی ڕۆژی یەکشەممەی بۆ سەر سێ کڵێسا لە شاری سورابایای ئیندۆنسیا ئەنجام داوە. لەو هێرشانەدا 11 کەس کوژراون.
لە ڕاگەیاندنەکەی داعشدا هاتووە " سێ شەهید هێرشیان ئەنجام داوەو بەلایەنی کەم 11 کەسیان کوشتووە و 41 کەسی تریش بریندار بوون کە بریتی بوون لە پاسەوانەکانی کڵێساکان و کرستیانەکانی شاری سورابایای ڕۆژهەڵاتی هەرێمی جاڤای ئیندۆنیسا."