Accessibility links

شیانی بەشداری سەرۆک ترامپ لە ڕێوڕەسمی کردنەوەی باڵیۆزخانەی ئەمەریکا لە ئورشەلیم


سەرۆک وەزیری ئیسرائیل بنیامین نەتەنیاهۆ ڕایگەیاند ڕۆژی دووشەممە لە کاتی کۆبونەوەیدا لەگەڵ سەرۆک ترامپ باس لە شیانی ئامادەبوونی سەرۆکی وڵاتە یەکگرتووەکانی ئەمەریکا دەکات بۆ بەشداری کردن لە ڕێوڕەسمی کردنەوەی باڵیۆزخانەی ئەمەریکا لە مانگی پێنج لە ئورشەلیم.

نەتەنیاهۆ ئەم قسانەی شەوی شەممە کرد بەرلەوەی بەڕێبکەوێت بۆ وڵاتە یەکگرتووەکانی ئەمەریکا.

لە وەڵامی پرسیارێکی ڕۆژنامەواناندا سەبارەت بە بانگهێشتکردنی سەرۆک ترامپ بۆ بۆنەکە، ئەو گوتی بە دڵنیاییەوە باس لە شیانی هاتنی دەکەم.

سەرۆک وەزیری ئیسرائیل گوتیشی من زۆر سوپاس گوزارم بۆ ئەو بڕیارە مێژوویەی کە دای بۆ دانپیانان بە ئورشەلیم وەکو پایتەختی ئیسرائیل و گواستنەوەی باڵیۆزخانەی ئەمەریکا لە ڕۆژی سەربەخۆییماندا.

بۆ فەلەستینیەکان ئەو ڕۆژی وەکو ساڵیادی نکبە یان کارەسات دادەنرێت کە لەو ڕۆژەدا سەدان هەزار فەلەستینی هەڵاتن یان بە زۆر دەرکران لە دەمی شەڕی دروستبوونی وڵاتی ئیسرائیلدا.

XS
SM
MD
LG