سەندیکای ڕۆژنامەوانی موسل بە هاوکاری ڕێکخراوی جیهانی مافەکانی مرۆڤ لە دهۆک خولێکی ڕۆژنامەوانی بۆ 14 گەنج لە هەردوو ڕەگەزی نێر و مێ کردەوە.
لەم خولەدا ئەوان ڕاهێنانیان پێ دەکرێت لەسەر ئیتیکی ڕۆژنامەوانی، مۆنتاج و وێنەگرتن.
ئەکرەم سولەیمان بەرپرسی سەندیکای ڕۆژنامەوانان لە موسڵ لە وتووێژێکدا لەگەڵ دەنگی ئەمەریکا ڕایگەیاند " ئەم ڕاهینانە بریتیە لە شێوازی نوسینی هەواڵ، پێشکەشکردنی بەرنامە و هەروەها چۆنیەتی کارکردنی بێژەرەکان. جگەلەوەش شێوازی وێنەگرتن و مۆنتاژی ڤیدیۆیش لەخۆ دەگرێت."
سەبارەت بەم خولی ڕۆژنامەوانییە پەیامنێرمان سەلام باڵایی لە دهۆک ئەم ڕاپۆرتەی بۆ ناردوین.