Accessibility links

حاکم لەتیف: داهاتی ئێستای هەرێم 500 ملیۆن دۆلار زیاترە رێک بەشی موچەی تەواوەتی فەرمانبەرە فەرمییەکان دەکات


گەندەڵی لەتەواوی عێراقدا بە گشتی و لەهەرێمی کوردستان بە تایبەتی هەر لەدوای رزگارکردنی عێراقەوە لەساڵی 2003 داو هەرێمی کوردستانیش هەر لەدوای ساڵانی نەوەدەکانەوە تا ئەوڕۆکە بەڵایەکی گەورەی بۆ حکومڕانی و بژێوی ژیانی هاوڵاتیان و سیستمی ئابوری و سیاسی دروستکردووە. هاوکات بەپێی رای شارەزایان و ئەکادیمیست و یاساناسان و رۆشنبیرانی سەربەخۆ لەهەرێمی کوردستان و دەرەوە؛ گەندەڵی هاوشانی تیرۆر ژێرخان و سەرخانی ئابوری و سیاسی و حوکمڕانی لەهەرێمەکەدا بەرەو کارەساتی ئابوری و سیاسی بردووە.

چەندین ساڵە حکومەت و پەلەمان و رێکخراوە حیزبی و ناحیزبییەکان لیژنە دروستدەکەن بۆ بەڕەنگاربوونەوەی گەندەڵی، بەڵام بەڕای شارەزایان ئەو لیژنانە کارتۆنی بوون و کاری رژد نەکراوە لەو بارەیەوە. بەڵام ئەوڕۆکە کۆمەڵێک پەرلەمانتاری کورد لە هەرێم و بەغدا سەرقاڵی دوو هەڵمەتی جیاوازن بۆ راپێچکردن و دادگایکردنی سەرجەم ئەو بەرپرس و وەزیرانەی کە دەستیان هەبووە لەگەندەڵی و سپیکردنەوەی پارەو بردنی داهاتی نیشتیمانی بۆ دەرەوەی وڵات بە مەبەستی تاکەکەسی و خۆدەوڵەمەندکردن.

ئاسۆ جەبار سەبارەت بەو پرسانە وتووێژێکی تایبەتی لەگەڵ مامۆستای زانکۆ لە یاسای دەستوری حاکم شێخ لەتیفدا سازکردووە...

حاکم لەتیف دەڵێت "لە ئوردون رۆژانە 10 ب 15 ملیۆن دۆلار لەعێراق سپی دەکرێتەوە و دەدرێت بە شوقەو بیناو دووبارە دەفرۆشرێتەوە و ئەو پارانە جارێکی دیکە دەبرێت بۆ ئەوروپا."

دەشڵێت "لەهەرێمی کوردستان و لەبەغدا سیستمی دادوەری لاوازە."

حاکم شێخ لەتیف شرۆڤەکاری و رەخنەکانی بە راشکاوی لەبارەی پەرلەمان و موچەی بندیوار و داهاتی ئێستای هەرێمی کوردستان دەخاتەڕوو و دەڵێت "بەداخەوە پەرلەمانی کوردستان کارتۆنییە."

دەشڵێت "زیاد لە 800 هەزار کادیر و کۆیلەی حیزب کراون بە موچەخۆری بندیوار."

هاوکات دەڵێت "داهاتی کوردستان بە ئێستاشەوە تەنها 250 هەزار بەرمیل نەوت هەناردە دەکرێت، لەگەڵ داهاتەکانی خاڵە سنورمییەکان وەک ئیبراهیم خەلیل و پەروێزخان و حاجی هۆمەران، ئەمە جگە لەداهات و باجەکانی ناوخۆ دەگاتە 500 ملیۆن دۆلار زیاتریش، رێک بەشی موچەی تەواوەتی فەرمانبەرە فەرمییەکان دەکات."

XS
SM
MD
LG