Accessibility links

هۆزان عه‌فرینی: سه‌باره‌ت به‌ قسه‌کانی ترامپ ئاخفت جیایه‌ و بریار دان شتێکی تره‌


Hozan Afrini

دوێنی ئاژانسی روێته‌رز و میدیاکانی تر له‌ زاری مه‌ولود چاووش ئۆغلۆ نووچه‌یه‌کیان بڵاوکرده‌وه‌ گوایه‌ ترامپ به‌ روونی رێنمایی داوه‌ که‌ کورد ئیتر چه‌کی پێی نادرێت، به‌ڵام به‌یاننامه‌که‌ی کۆشکی سپی پشت راستی ئه‌و قسانه‌ ناکات که‌ سه‌رۆک ترامپ به‌ ئوردوگانی ووتوه‌ وڵاته‌ یه‌کگرتووه‌کان چه‌ک به‌ کورد نادات. ئایا ئه‌مه‌ به‌ واتای ئه‌وه‌یه‌ داعش به‌ره‌و نه‌مان ده‌چێت و ئیتر به‌و ئه‌ندازه‌ وه‌کو جاران پێویست به‌ چه‌کی قورس نییه‌ وه‌ یاخود ئه‌مه‌ریکا چونیه‌تی هاوکاری له‌گه‌ڵ کورد و هێزه‌کانی دیمۆکراتیکی سوریا دا ده‌گۆڕێ؟

Rojava. Efrin
Rojava. Efrin

هۆزان عه‌فرینی چاودێری کاروباری رامیاری له‌ رۆژئاڤای کوردستان له‌ هه‌ڤیه‌ڤینێکدا له‌گه‌ڵ به‌شی کوردی ده‌نگی ئه‌مه‌ریکا ده‌ڵێت " سه‌رۆک ترامپ که‌ شتێکی وه‌ها ده‌ڵێت مه‌رج نییه‌ یه‌کسه‌ر له‌ بواری پراکتیکدا جێ به‌ جێ بکرێت، له‌ لایه‌کی تره‌وه‌ ئه‌مه‌ جۆره‌ زمانێکی دیپلۆماسی دایه‌ له‌ کاتی په‌یوه‌ندی و دانوستاندنادا، ئه‌مه‌ شتێکی ئاساییه‌ ئه‌گه‌ر قسه‌یه‌کی وه‌هاش هاتبیته‌ ئاراوه‌".

کاک هۆزان هه‌ر وه‌ها ده‌ڵێت " سه‌رۆکی تورکیا ره‌جه‌ب ته‌یب ئه‌ردوکان زۆر په‌ریشانه‌، له‌ ناو ئالۆزیه‌کی زۆر گه‌وره‌دایه‌، ئیتر به‌ چه‌پ و راست په‌ناه‌ ده‌بات، جارێک به‌ روسیا، جارێک به‌ ئه‌مه‌ریکا، جارێک به‌ ئێران و جارێک به‌ رژێمی سوریا، به‌ هه‌موو لایه‌ک، ته‌نگی لێ نیشتووه‌ ئیتر نازانی چی بکات، له‌به‌ر ئه‌وه‌ کاتێک به‌ ته‌لیفۆن له‌گه‌ڵ سه‌رۆک ترامپ قسه‌ ده‌کات لێ ده‌پارێته‌وه‌ که‌ ئیتر هاوکاری کوردی رۆژئاڤای کوردستان و هێزه‌کانی سوریای دیمۆکراتیک نه‌کات، که‌ له‌ کاتێکی وه‌هادا سه‌رۆک ترامپ قسه‌یه‌کی له‌و جۆره‌ ده‌کات به‌ واتای ئه‌وه‌ نییه‌ که‌ بریاری دا، ئاخفتن جیایه‌ و بریار دان شتێکی تره‌".

کاک هۆزان ده‌شڵێت " ئاخافتن جیایه‌ و بریار دان له‌ لایه‌ن کۆنگریس که‌ خاوه‌نی بریاره‌، پنتاگۆن و کۆشکی سپی کارێکی تره‌ تا بریارێکی له‌و جۆره‌ بدرێت".

XS
SM
MD
LG