سەرۆکی تورکیا ڕەجەب تەیب ئەردۆغان ڕایگەیاند شیانی هێشێکی هاوبەشی تورکیا و ئێران هەیە بۆ سەر پەکەکە ئەم ڕاگەیاندنەشی پاش ئەوە دێت کە لە هەفتەی ڕابوردوو سەرۆکی ستونە لەشکرییەکانی ئێران سەردانی تورکیای کرد و هاووڕایی خۆشیان دەربڕی دژ بە ڕیفراندۆمەکەی هەرێمی کوردسان بۆ سەربەخۆیی.
دکتۆر جەبار قادر پسپۆڕی کاروباری سیاسی تورکیا لە وتووێژێکدا لەگەڵ بەشی کوردی دەنگی ئەمەریکادا باس لەوە دەکات کە ڕەنگە ئەمە تەنها ڕێککەوتنێک بێت و لە ڕاستیدا هێرشیکی لەو جۆرە نەبێت چونکە هێشتا بەرژەوەندییەکانیان لە سویا جیاوازە.
