لە تۆڕە کۆمەلایەتییەکاندا چەند گرتەیەی ڤیدیۆیی بڵاو کراونەتەوە کە تیایدا نیشان دەدات کە ئەشکەوتەکانی حەسەنکێف بە بۆمب دەڕوخێندرێن.
پەرلەمانتاری هەدەپە نوێنەری ماردین عەلی ئەسڵان بۆ ناڕزایی دەربڕین بە زنجیر خۆی بەستەوە بە ئەشکوتەکەوە.
ڕۆژی یەکشەممە ئەو مانگرتنەی شکاند، بەڵام گوتی ئەگەر ڕووخاندنی ئەشکەوتەکان بەردەوام بێت ئەوا بە شێوەیەکی جیاواز ناڕەزاییەکان دەردەبڕێت.
بەڕێز ئەسڵان لە وتووێژێکدا لەگەڵ بەشی کوردی دەنگی ئەمەریکا باسی لەو چالاکەیەی خۆی کرد و گوتی کاتێک لەسەر تۆڕە کۆمەڵایەتییەکان ئەو ڤیدۆیەی بینی ئەو بڕوای نەکرد کە ئەو شوێنە حەسەنکێف بێت. ناوبراو گوتیشی ڕۆژی پێنجشەممە کاتێک گەیشتە ئەوەێ هێشتا تۆزوخۆڵ لەو ئەشکەوتانەوە بەرز دەبۆوە.
زانیاری زیاتر لە ڕاپۆرتی پەیامنێرمان خەجیجان فەرقیندایە.