دادگایەکی ئیسرائیلی ڕۆژی یەکشەممە فەرمانی دا ڕۆژنامەوانێک بڕی پتر لە 25 هەزار دۆلار بدات بە بنیامین نەتەنیاهۆی سەرۆک وەزیرانی ئەو وڵاتە بە هۆی ئەوەی ئەو ڕۆژنامەنوسە ناوی سەرۆک وەزیران و هاوسەرەکەی سارای زڕاندووە.
دادوەری دادگایەک لە تەل ئەڤیڤی پایتەختی ئیسرائیل دەڵێت ڕۆژنامەوان ئیگال سارنا کە کار بۆ ڕۆژنامەی ناوداری Yediot Ahronot دەکات ، لە بابەتێکیدا کە لە تۆڕی کۆمەڵایەتی فیسبووکدا بڵاوی کردبۆوە گوتبووی؛ هاوسەری سەرۆک وەزیران لە میانەی دەمەبۆڵەیەکی لەگەڵ مێردەکەی لە نێو ئوتومبێلەکەیاندا، بنیامیان نەتەنیاهوی لە ئوتومبیلەکە دابەزاندوەتە خوارەوە و دەری کردوە. ڕۆژنامەی ئاماژە پیدراوی ئیسرائیل زۆر جار لە نوسینەکانیدا رەخنە لە سەرۆک وەزیرانی ئیسرائیل دەگرێت.
بۆ یەکلاکردنەوەی ئەو مەسەلەیە بنیامین نەتەنیاهوی سەرۆک وەزیرانی ئیسرائیل لەمانگی سێ ی ئەمساڵدا ئامادەی بەردەم داداگا بوو بۆ ئەوەی لە دژی ئەو ڕۆژنامەنوسە شایەتی بدات. بەڵام سارنا ی ڕۆژنامەوان گوتویەتی کە ئەو بەڵگەی ئەوەی هەیە ڕاستی ئەو هەواڵەی کە لە فەیس بوک بڵاویکردبۆوە بسەلمێنێت. بەڵام دادگاکە دەڵێت مەبەستی سەرەکی ئەو ڕۆژنامەنوسە و بڵاوکردنەوەی ئەو هەواڵە، تەنها بۆ ناوزڕاندن و ئابڕوبردنی بنیامین نەتەنیاهو بووە.
سەرۆک وەزیرانی ئیسرائیل وهاوسەرەکەی دەڵێن دادگا بەو بڕیارەی لە دژی ئەو ڕۆژنامەوانە داوێتی و دەبێت پتر لە 25 هەزار دۆلار بدات ، بەوە مافی بۆیان گەڕندوەتەوە.