Accessibility links

دەنگدان لەسەر سزای ئەمەریکا بۆ سەر ئێران


دەستەیەکی سینات بە زۆرینەی دەنگ بڕیاری سزای زیاتری ئەمەریکایان دژ بە ئێران بەهۆی پشتیوانی کردن لە تیرۆرسمی جیهانی و بەرنامەی موشکەی بالاستیکی پەسەند کرد.

سه‌رۆکی ئه‌نجومه‌نی نوێنه‌ران کۆماری باب کۆرکه‌ر ستایشی دەنگەدانەکەی کرد ئەنجوەمەنی پەیوەندییە دەرەوەییەکانی کرد ، کە بە هەژدە دەنگی بەڵێ بەرامبەر بە سێ دەنگی نەخێر پەسەند کرا. ئەم دەنگدانە چەند ڕۆژێک لەمەو بەر بەڕێوە چوو.

کۆرکه‌ر گوتیشی "ڕێگه‌دان به‌زۆرینه‌ی ده‌نگ به‌ پرۆژه‌ی یاساکه‌ له‌وباوه‌ڕه‌دام به‌زۆرینه‌ی ده‌نگیش له‌کۆنگرس تێده‌په‌ڕێت".

ئه‌م هه‌نگاوه‌ی ئه‌نجومه‌ن که‌ چه‌ند ڕۆژێک دوای به‌ڵێنی سه‌رۆک دانۆڵد ترامپ بوو ده‌رباره‌ی پرسی هاوبه‌ش له‌گه‌ڵ ئیسرائیل و وڵاتانی عه‌ره‌بی سوونه‌ بۆ ڕووبه‌ڕووبوونه‌وه‌ی ده‌سه‌ڵاتی ئێران له‌ناوچه‌که‌دا.

کۆرکه‌ر ڕایشیگەیاند "ئه‌گه‌ر بیر له‌وه‌ بکه‌یته‌وه‌ له‌ گه‌شته‌که‌ی سه‌رۆکدا بۆ شانشینی عه‌ره‌بستانی سعودی چی ڕوویدا ، ئه‌وا به‌ هه‌مئاهه‌نگی ستراتیجی ڕۆژهه‌ڵاتی ناوین ده‌ستپێده‌کات به‌رامبه‌ر به‌ شه‌ڕه‌نگێزی ئێران له‌ناوچه‌که‌دا. هه‌نگاو نان هه‌یه‌ بۆ وه‌ڵامدانه‌وه‌ی ژماره‌یه‌ک له‌ چالاکیه‌ ناڕه‌واکانی ئێران په‌یڕه‌وی ده‌کات".

8 له‌ کۆی 10 له‌ دیموکراته‌کانی ئەنجومەنەکە پشتیوانی پرۆژه‌ یاساکه‌یان کرد، له‌وانه‌ سیناتۆر کریس کوونس که‌ گوتی ئه‌مریکا ناتوانێت هه‌ڵدانی مووشه‌کی بالستی ئێران، یاخوود پشتیوانی تیرۆر و پێشێلکردنی مافی مرۆڤ فه‌رامۆش بکات.

کوونس گوتیشی"ئه‌م هه‌موو بواره‌ به‌تایبه‌تی له‌ ڕێکه‌وتنی ناوه‌کیدا ناویان هاتوه‌ له‌وانه‌شه‌ وڵاتە یه‌کگرتووه‌کان ئه‌گه‌ر پێویستبێت سزای زیاتر دانێت".

به‌ر له‌ ده‌نگدان که‌سایه‌تیه‌کی گرنگ له‌دانوستاندنی ناوه‌کی ئێراندا، وه‌زیری ده‌ره‌وه‌ی پێشوو جان کێری له‌تویته‌ردا ئاگاهیدا له‌وه‌ی سزای نوێ له‌وانه‌یه‌ بۆ ڕێکه‌وتنی ناوه‌کی زیانی هه‌بێت، له‌مه‌شدا سیناتۆری دیمۆکرات تۆم یووداڵ هاوڕایه‌تی.

یووداڵ ووتی "به‌بیهینینه‌وه‌ یادمان، ئه‌وه‌نده‌ نابێت ئێرانیه‌کان هه‌ڵبژاردنیان کردوه‌، دوباره‌ سه‌رۆک حه‌سه‌ن ڕۆحانیان هه‌ڵبژارده‌وه‌، که‌ لایه‌نگری ڕێکه‌وتنه‌که‌ بوو، به‌زۆرینه‌ی ده‌نگیش هه‌ڵبژێردرایه‌وه‌. بۆیه‌ هه‌نگاوی یه‌که‌می حکومه‌ته‌که‌مان به‌م بڕیاره‌ بۆ ڕێکه‌وتنی ناوه‌کی هه‌ڕه‌شه‌ ده‌بێت. له‌وباوه‌ڕيدام ئه‌مه‌ هه‌ڵوێستێکی زۆر خراپه‌ بۆ ئێمه‌".

له‌هه‌مانکاتدا، تاکه‌ ئه‌ندامی ئه‌نجومه‌ن که‌ ڕکه‌به‌ری پرۆژه‌ یاساکه‌ بوو، سیناتۆر ڕاند پۆڵ بوو، ده‌ڵێت، " دوای ئه‌وه‌ی سه‌رۆک ترامپ واژووی ڕێکه‌وتنی سه‌ره‌کی چه‌کی له‌گه‌ڵ سعودیه ‌کرد که‌ ڕکه‌به‌ری ئێرانه سزادانی په‌ره‌سه‌ندنی چه‌کی ئێران هیچ واتایه‌کی نیه"‌‌.

ئه‌گه‌ر سزاکان ببێته‌ یاسا، زۆرن ئه‌وانه‌ی چاودێری کاردانه‌وه‌ی ئێران ده‌که‌ن، له‌وه‌ڵامدانه‌وه‌ی پرسیارێکی ده‌نگی ئه‌مریکا ئایا تاران چۆن له‌ پرۆژه‌ یاساکه‌ ده‌ڕوانێت، کۆرکه‌ر گرنگی پێنه‌دا.

کۆرکه‌ر ووتی "ئایا باسی گه‌ل ده‌که‌ن، یاخوود باسی ڕاپه‌رایه‌تی شۆرش ده‌که‌ن که‌ تیرۆری ڕۆژهه‌ڵاتی ناوه‌ڕاست ده‌کات؟".

سه‌رباری ئه‌وه‌ ووتی "ناتوانم وه‌ڵامیان ئه‌و دوانه‌ بده‌مه‌وه‌".

XS
SM
MD
LG