ئەنجامە بەراییەکانی هەڵبژاردنەکەی فەڕەنسا

ماوەیەکی کورت پاش داخستنی سندوقەکانی دەنگدان لە فەرەنسا ئەنجامە بەراییەکانی خولی یەکەمی هەڵبژاردنی فەرەنسیا ڕاگەیاندران.

بە پێی ئەنجامە بەراییەکان ئیمانوێل ماکرۆنی ناوەندگیر زۆرترین دەنگی بەدەست هێناوە 23.7 % پاش ئەوە کاندیدی ئەوپەڕی ڕاست ماریان لو پان 21.7 % ی دەنگەکانی بردۆتەوە. فرانسس فیلۆن و ژان لوک میلانشن دەنگەکانیان نزیکە لە یەکەوەو 19.5 %ی دەنگیان بەدەست هێناوە.

هەر دەستبەجێ پاش بڵاو بوونەوەی ئەنجامە بەراییەکان پشتیوانانی لو پان و مارکۆن ڕژانە سەر شەقامەکان بۆ خۆشحاڵی دەربڕین.

ئەم هەڵبژاردنەی فەڕەنسا خولی یەکەمی هەڵبژاردنە بۆ ئەو 11 کاندیدەی کە بەشدارییان کردووە و ئەو کاندیدانەی کە زۆرترین دەنگ بەدەست دەهێنن دەمێننەوە بۆ هەڵبژاردنەکەی 7 ی مانگی 5.