Accessibility links

کاردانەوە جیهانییەکان لەسەر فەرمانی سەرۆک ترامپ بۆ ڕێگەگرتن لە هاووڵاتیانی 7 وڵاتی زۆرینە ئیسلام بۆ ناو ئەمەریکا


کاردانەوەی نێونەتەوەیی لەسەر فەرمانەکەی سەرۆک دانۆڵد ترامپ بۆ ڕاگرتنی پەنابەران و هاووڵاتیانی 7 وڵاتی زۆرینە ئیسلام دەستیپێکرد.

جگەلەوەی بە پێی ئەو فەرمانە ڕێگا نادرێت هاووڵاتیانی عێراق، سوریا، ئێران، سودان،لیبیا، سۆمالیا و یەمەن بۆ 90 ڕۆژ بێنە ناو ئەمەریکاوە هەروەها وەرگرتنی پەنابەرانی سوریایی بۆ هەمیشە ڕادەگرێت و هەتا 120 ڕۆژی تر ڕێگە نادرێت هێچ پەنابەرێکی خەڵکی ئەو وڵاتانە بێنە ناو ئەمەریکاوە.

سەرۆک گوتی پێویستە تەنها ڕێگە بەو کەسانە بدرێت بێنە ناو ئەمەریکاوە کە پشتیوانی لە وڵاتە یەکگرتووەکانی ئەمەریکا دەکەن. ئەو فەرمانەی کە واژووی کردووە باس لە پڕۆسەی ناسنامەو پێداچوونەوە دەکات کە کاربەدەستانی ئەمەریکا دەبێت بە شێوەیەکی ورد بەدوایدا بچن.

کاتێک پلانەی ڕاگەیاند ترامپ گوتی " دەمانەوێت دڵنیا بین لەوەی کە ئەو کەسانە نەهێنینە وڵاتەکەمانەوە کە هەڕەشەن و سەربازەکانمان لە دەرەوەی وڵات شەڕیان دەکەن. دەمانەوێت تەنها ئەو کەسانە بهێنین کە پشتیونای لە وڵاتەکەمان دەکەن و لە دڵەوە خەڵکی ئێمەیان خۆش دەوێت."

گوتەبێژی ڕاوێژکاری ئەڵمانیا ئەنگێلا مێرکڵ ڕۆژی یەکشەممە ڕایگەیاند مێرکڵ لەو بڕوایەدایە تەنانەت هەلومەرجی پیویستی شەڕی دژ بە تیرۆرسمیش ڕەوای بەوە نادات خەڵکی هەرێمێکی دیاریکراو یان ئاینێکی دیاریکراو بەشێوەیەکی گشتی بخرێتە گومانەوە.

هاوکات ڕەخنەش لە سەرۆک وەزیری بەریتانیا تەریسا مەی گیراوە لەسەر ئەوەی کە ئەو فەرمانەی ترامپی مەحکوم نەکرد کاتێک کە لە تورکیا لەگەڵ سەرۆک ڕەجەب تەیب ئەردۆغان کۆبۆوە. مەی لە تورکیا ڕایگەیاند " وڵاتە یەکگرتووەکانی ئەمەریکا بەرپرسیارە بەرامبەر ڕێبازەکانی ئەمەریکا لەسەر پەنابەران. بەریتانیشاش بەرپرسیارە لسەر ڕێبازەکانی بەریتانیا لەسەر پەنابەران."

کاتێک گەڕایەوە بەریتانیا مەی گوتی بەریتانیا هاوڕانییە لەگەڵ ئەم فەرمانەی ترامپ بۆ قەدەغەکردنی موسوڵمانان.

یاسادانەری بەریتانی هایدی ئالن لەسەر تۆڕی کۆمەڵایەتی ڕایگەیاند " ڕیبەرایەتی بەهێز مانای ئەوەیە نەترسی بەکەسێکی بەهێز بڵێیت کە هەلەی.... کارم بەوە نییە ڕێبەرایەتییەکەی چەندە گرنگ بێت دەبێت هەندێک هێڵ تێنەپەڕێندرێت."

یاسادانەریکی تر جێرمی کۆربان گوتی " پێویست بوو تەریسا مەی بەرگری لە بەریتانیا و بەهاکانمان بکات بە شەرمەزارکردنی کردارەکەی ترامپ."

بڕیارە سەرۆک ترامپ لە کۆتایی ئەمساڵدا سەردانی بەریتانیا بکات، بەڵام سارا وۆڵستن ئەندامی پەرلەمان ڕایگەیاند نابێت ئەو سەرۆکەی ئەمەریکا بانگهێشتبکرێت بۆ پەلەمان، ئەوانەی کە دەیانەوێت با لە شوێنێکی تر قسەیان بۆ بکات."

وەزیری دەرەوەی فەرەنسا ژێن مارک ئایراولت سەربارەت بە بڕیارەکەی ترامپ گوتی " پێشوازی کردن لە پەنابەرانی کە لە شەڕ و سەرکوتکردن هەڵاتوون بەشێکە لە ئەرکەکانمان."

وەزیری دەرەوەی ئەڵمانیا سیگمار گابرێل گوتی " وڵاتە یەکگرتووەکانی ئەمەریکا، کە تیایدا نەریتی کرستیان مانایەکی گرنگی هەیە. خۆشەویستی دراوسێکانت بەهای سەرەکی کرستیانە و ئەمە بریتییە لە یارمەتیدانی خەڵکیش."

ڕێتنۆ مارسودی وەزیری دەرەوەی ئیندۆنیسیا، کە زۆرترین دانیشتوانی موسوڵمانی هەیە، بەڵام یەکێک نییە لەو وڵاتانەی کە وڵاتیانی قەدەغەکرابن لە چوونە ناو ئەمەریکاوە، لە پەیامێکی سۆشیال میدیادا بە ئاژانسی ڕۆیتەرزی ڕاگەیاند " نیگەرانییەکی قوڵمان هەیە بەرامبەر ئەم ڕێبازە."

سەرۆک وەزیری کەنەدا جەستن ترودێو لە پۆستێکی تویتەریدا هەڵوێستی وڵاتەکەی لە مەڕ پەنابەران ڕاگەیاند و گوتی " ئەوانەی کە لە دەستی هەراسانکردن، تیرۆر و شەڕ هەڵدێن کەنەدییەکان پێشوازیتان لێ دەکەن بەبێ گوێدان بە ئاینەکەتان. هەمەجۆری هێزو توانای ئێمەیە # بەخێربێن بۆ کەنەدا."

ئەو ڕێبەری کەنەدا وێنەیەکی خۆشی داناوە کە لە فڕۆکەخانەی تۆڕانتۆ پێشوازی لە منداڵێکی سوریایی دەکات.

XS
SM
MD
LG