Accessibility links

زیا لە 30 کەس دەبنە قوربانی هێرشەکانی خۆکوژی لە عیراق


کاربەدەستانی عیراقی دەڵێن لە ئاکامی هێرشێکی خۆکوژی لە ڕۆژی یەکشەممە بۆ سەر خاڵێکی پشکنین لە باشووری بەغدای پایتەخت بەلایەن کەم 9 کەس كوژران و 22 کەسی تر برینداربوون.

کاربەدەستان گوتیان هێرشبەرانی خۆکوژ کە پشتینی تەقینەوەیان لە خۆیان بەستبوو لە نزیك خاڵێکی پشکنین لە شارۆچکەی قادسیە خۆیان لە نێو ماشێنەکەیان تەقاندەوە.

تێکرای هێرشبەران لەو هێرشەدا کوژران ئەوەی گروپی دەوڵەتی ئیسلامی ویاداعش بەرپرسیارێتی لە ئەستۆگرت.

سەعەد مەعەن گوتەبێژی وەزارەتی ناوخۆی عیراق دەڵێت هێرشبەرەکان بەنیازبوون بەرەو شاری نەجەف بەڕێبکەون بۆ تەقاندنەوەی خۆیان لەو ناوە.

جێ باسە لە گەڵ ئەوەی شاری نەجەف بە پایتەختی شیعەکانی عیراق لەقەڵەم دەدرێت بەڵام زۆر بەدەگمەن دەکرێتە ئامانجی تیروریستان.

XS
SM
MD
LG