هێزی پێشمەرگە ڕادەگەیەنێت کە ڕۆژی یەکشەممە شارۆچکەی باشیکیان لە نزیک شاری موسل کۆنترۆڵ کردووە لە کاتێکدا هێزەکانی هاوپەیمانان هێرشەکانیان زیاد دەکەن دژ بە جیهادییەکان لە ناو عێراق.
کاربەدەستێکی ئەمەریکا ڕایگەیاند سەرۆکی هەرێمی کوردستان مەسعود بارزانی، وەزیری بەرگری ئەمەریکا ئاش کارتەری ئاگادارکردۆتەوە کە کوردەکان سەرکەوتوو بوون لە ئازاد کردنی باشیک لە دەستی تیرۆرستانی دەوڵەتی ئیسلامی.
ئاژانسی ڕۆیتەرز دەڵێت پێشمەرگە کوردەکان بەو پەیامنێرانەیان ڕاگەیاندووە کە لەوێ ڕوماڵی شەڕەکە دەکەن، کە ئەوان چوونەتە نێو باشیکەوە بەڵام ڕێگا بە ڕۆژنامەوانان نادرێ بچنە نێو شارۆچکەکەوە.