ڕێکخراوی چاودێری مافەکانی مرۆڤی سوریایی ڕادەگەیەنیت هێزی سوریای دیموکرات بە پشتیوانی ئەمەریکا لە ڕۆژی شەممە چەند سەرکەوتنێکی نوێی تۆمار کرد و نزیکتر دەبێتەوە لە ناوچەیەکی تری ژێر کۆنتڕۆڵی داعش لە باکوری سوریا.
ڕێکخراوەکە دەڵێت هێزی سوریای دیموکرات کە لە جەنگاوەرە کوردەکان و جەنگاوەرە عەرەبەکانیش پێکهاتووە، لە ئێستادا نزیکەی 17 کیلۆمەتر دوورن لە شاری ئەلباب، کە ناوچەیەکی ژێر دەستی داعشە لە ڕۆژهەڵاتی حەلەب.
ئەو هێزانە لە ڕۆژی هەینی دووا ڕێگای نێوان شارۆچکەی مەنبیج و ئەلبابیان داخست پاش هەفتەیەک لە پێشوەچوونەکانیان لەو ناوچانەدا و دەشڵێن نزیکەی 160 لە ئەندامانی داعش کوژرون لە شەڕەکانی دەوروبەری مەنبیج و زیاتر لە 20 شەڕکەری هێزی سوریای دیموکراتیش کوژراون.
هێرشەکانی هێزی سوریای دیموکرات بە پشتیوانی هێرشە ئاسمانییەکانی بە سەرکردایەتی ئەمەریکا، و هێزی تایبەتی ئەمەریکا لە سەرەتای ئەم مانگە دەستیان کرد بە هێرشەکانیان بۆ کۆنتڕۆڵ کردنەوەی ناوچەکانی ژێر دەسەڵاتی داعش و ئەو پایتەختەی کە بۆ ئەو شوێنەی کە بە پاتیتەختی خەلافەتەکەیان لە قەڵەمی دەدەن.