چالاکوانان ڕادەگەیەنن هێرشێکی ئاسمانی کراوەتە سەر زیندانێک کە لەلایەن گروپێکی سەر بە ئەلقاعیدە لە سوریاوە بەڕێوە دەبرێت و بەلانی کەم 39 کەس کوژراون.
ڕێکخراوی چاودێری مافەکانی مرۆڤی سوریایی بنکە لە بەریتانیا ڕادەگەیەنیت ئەو 39 کەسەی کە کوژرواون بریتین لە چەکدارانی بەرەی نوسڕە و هەروەها چەند کەسێکیش لە زیندانییەکان لە شارۆچکەی مەعرەت ئەلنوعمان.
کۆمیتەکانی هەماهەنگی کردنی خۆجێیی، کە ڕێکخراوێکی تری چالاکوانانە ، دەڵێت لەو هێرشەدا 51 کەس کوژراون.
ڕێکخراوی چاودێری دەڵێت فڕۆکە جەنگییەکان چوار موشەکیان گرتۆتە دادگای ئیسلامی کە گرتووخانەیەک و بازارێکیشی لێ نزیکە.