بۆ جاری دووهەم گەشتە ئاسمانییەکان لەهەرێمی كوردستان لەلایەن دەستەی فڕۆكەوانی عێراقیەوە بۆ ماوەی 48 كاتژمێر وەستێنرا.
لەوبارەیەوە ئەندازیار تاهیر عەبدوڵا بەڕێوەبەری فڕۆكەخانەی نێودەوڵەتی سلێمانی بەدەنگی ئەمریكای ڕاگەیاند "بەهۆی بۆردومانی فڕۆكە جەنگییەكان و دروستكردنی مەترسی لەسەر فڕۆكەكانی هەرێمی كوردستان لەلایەن دەستەی فڕۆكەوانی عێراقیەوە بڕیاری ڕاگرتنی گەشتە ئاسمانیەكان لەهەرێمی كوردستان دراوە ".
بەڕێوەبەری فڕۆكەخانەی نێودەوڵەتی سلێمانی ئاماژەی بە زیانەكانی هەرێمی كوردستان كرد و گوتیشی ئەو كۆمپانیا فڕۆكەوانانەی كە تكتی فڕۆكەیان فرۆشتووە دەبێت قەرەبوی هاووڵاتیان بکەنەوە.
ئەمە دووهەم جارە لەماوەی كەمتر لەیەک مانگدا دەستەی فڕۆكەوانی عێراقی بڕیاری ڕاگرتنی گەشتە شارستانیەكان لەهەردوو فڕۆكەخانەی نێودەوڵەتی هەولێر و سلێمانی بدات.
دەقی ڕاپۆرتەکەی ژیار محەمەد لەسەر ئەم بابەتە.