Accessibility links

به‌لایه‌ن که‌م 6 که‌س له‌ عێراق ده‌کوژرێن


ده‌سه‌ڵاتدارانی عێراقی ده‌ڵێین له‌ ئاکامی ته‌قینه‌وه‌ی بۆمبێك و هیڕشی هاوه‌ن ئه‌مڕۆ له‌ ناوچه‌کانی شیعه‌ له‌ ناو و ده‌ره‌وه‌ی به‌‌غدای پایته‌خت به‌لایه‌ن که‌م 6 که‌س کوژران.

به‌رپرسانی پولیس گوتیان سێ هاوه‌ن له‌ ناوچه‌یه‌کی دانیشتوان له‌ سه‌بع ئه‌لبوور به‌ربووه‌ ، که‌ که‌تۆته‌ باکووری به‌غداوه‌ ، وله‌ئاکامدا چوار که‌س کوژران که‌ کورێکی 12 ساڵیان له‌ نێواندابوو. هه‌روه‌ها زیانیش به‌ ژماره‌یه‌ك ماشین که‌وت و 14 که‌س برینداربوون.

له‌پاشاندا ، بۆمبێك له‌ سه‌ر شه‌قامێکی بازرگانی له‌ گه‌ره‌کی شه‌عب ته‌قییه‌وه‌ و بووه‌ مایه‌ی کوژرانی 2 که‌س و برینداربوونی 4 که‌سی تر.

کاربه‌ده‌ستانی بزیشکی ژماره‌ی کوژراو برینداریان پشتڕاستکرده‌وه‌.

شایانی باسه‌ هیڕشکردنه‌ سه‌ر شیعه‌کان تاکتیکێکی باوه‌ له‌لایه‌ن گروپی ده‌وڵه‌تی ئیسلامییه‌وه‌ که‌ شیعه‌کان به‌کافر له‌ قه‌ڵه‌م ده‌ده‌ن و ده‌ستیان به‌سه‌ر ناوچه‌ی به‌رفراوان له‌ خۆرئاواو باکووری عیراق گرتووه‌.

XS
SM
MD
LG