Accessibility links

پرۆسه‌ی ده‌نگدان له‌ هه‌ڵبژاردنی سه‌رۆکایه‌تی له‌سوریا ده‌ستپێده‌کات


سورییه‌کان ئه‌مڕۆ سێشه‌ممه‌ ده‌نگ ده‌ده‌ن له‌ هه‌ڵبژاردنه‌کانی سه‌رۆکایه‌تی که‌ پێده‌چێت سه‌رکه‌وتنێکی گه‌وره‌ بێت بۆ‌ به‌شار ئه‌لئه‌سه‌دی سه‌رۆکی سوریا بۆ سه‌رله‌نۆی هه‌ڵبژاردنه‌وه‌ی بۆ گه‌رێکی نۆی له‌م ده‌مه‌ی شه‌ڕی ناوخۆی کوشنده‌ له‌ سه‌رانسه‌ری وڵاته‌که‌دا به‌رده‌وامه‌.
ئوپۆزسیۆنی سوریا و هاوپه‌یمانه‌کانی خۆرئاوا هه‌ڵبژاردنه‌که‌یان مه‌حکومکردوه ‌که‌ تێدا ئه‌سه‌د پیشبرکێ له‌گه‌ڵ دوو کاندید ده‌کات که‌ زۆر به‌ناوبانگ نین و‌ حکومه‌ت په‌سه‌ندی کردوون.
وائل ئه‌لحه‌لقی سه‌رۆك وه‌زیری سوریا داوای له‌ خه‌ڵکی کرد‌ ده‌نگ بده‌ن، و هه‌ڵبژاردنه‌که‌ی ئه‌مڕۆ سێشه‌ممه‌ی به‌ ڕۆژێکی مێژویی بۆ سورییه‌کان له‌ قه‌ڵه‌مدا.
سه‌رهه‌ڵداوه‌ چه‌کداره‌کان زیا له‌ سێ ساڵه‌ له‌پێناوی له‌کارخستنی ئه‌سه‌د شه‌ڕده‌که‌ن.
سه‌ڕۆکی سوریا له‌وه‌تای ساڵی 2000 وه‌ وڵاته‌که‌ حوکم ده‌کات دوای ئه‌وه‌ی به‌سه‌رۆك هه‌ڵبژیردرا پاش مردنی باوکی، که‌ته‌نها کاندیدیش بوو له‌ساڵی 2007 دا له‌و ده‌مه‌ی گه‌ڕی دووه‌می سه‌رۆکایه‌تی برده‌وه‌‌.
XS
SM
MD
LG