Accessibility links

به‌هۆی توندوتیژییه‌کانی مانگی ڕابوردوو له‌ عێراق 703 که‌س کوژراون


ڕۆژی شه‌ممه‌ نه‌ته‌وه‌ یه‌کگرتووه‌کان ڕایگه‌یاند به‌هۆی توندوتیژییه‌کانی مانگی 2 له‌ عێراق 703 که‌س کوژراون ئه‌مه‌ جگه‌ له‌ مردنی یاخیبووان و ئه‌و که‌سانه‌ی که‌ له‌ توندوتیژییه‌کانی هه‌رێمی ئه‌نبار کوژراون.
ئه‌م ئاماره‌ له‌لایه‌ن ئه‌رکی نه‌ته‌وه‌ یه‌گرتووه‌کان له‌ عێراق ڕاگه‌ێندرا و نزیکه‌ له‌ ئاماره‌که‌ی مانگی یه‌که‌وه‌ که‌ 733 که‌س بوو ئه‌مه‌ش زیاد بوونی توندوتیژییه‌کانی له‌ 10 مانگ پێش ئه‌وه‌وه‌ نیشان دا.
ڕاپۆرته‌که‌ ڕاده‌گێنێت 564 سیڤیلی و 139 ئه‌ندامی هێزه‌کانی ئاسایش کوژراون هاوکات 1381 عێراقی که‌ 1179 یان که‌سانی سیڤیلین له‌ ماوه‌ی ئه‌و مانگه‌دا بریدنار بوون.
زۆرتین توندوتیژییه‌کانیش له‌ به‌غدای پایته‌خت بووه‌ که‌ 239 که‌سی تێدا کوژراوه‌ و پاشان پارێزگای سه‌لاحه‌دین 121 که‌سی تێدا کوژراوه‌و دوای ئه‌ویش نه‌ینه‌وا 94 که‌س.
به‌رپرسی ئه‌رکی نه‌ته‌وه‌ یه‌کگرتووه‌کان نیکۆلای ملادینۆڤ داوا له‌ عێراقیه‌کان ده‌کات ڕێکبکه‌ون تا بتوانن توندتیژیه‌یکان ڕاگرن. مالادینۆڤ ده‌ڵێت ئه‌رکی ده‌ستبه‌جێی ڕێبه‌رانی سیاسی،کۆمه‌ڵگا و ئاینی عێراق ئه‌وه‌یه‌ یه‌کبگرن به‌رامبه‌ر تیرۆرستانی که‌ وڵاته‌که‌ ڕووبه‌ڕووی بووه‌ته‌وه‌. ده‌ڵێت ته‌نها به‌ پێکه‌وه‌ کارکردن عێراقییه‌کان ده‌وانن ئه‌و توندوتیژییانه‌ چاره‌سه‌ر بکه‌ن و کۆمه‌ڵگایه‌کی دیموکراسی دروست بکه‌ن که‌ تیایدا یاسا سه‌روه‌ر بێت و مافه‌کانی مرۆڤ بپارێزرێت.
XS
SM
MD
LG