Accessibility links

15 که‌س له‌ ئه‌نجامی ته‌قینه‌وه‌ی ئۆتۆمبیلێـکی بۆمبڕێژکراو له‌ عیراق ده‌کوژرێن


کاربه‌ده‌ستانی عیراق ده‌ڵێن به‌ هۆی ته‌قینه‌وه‌ی ماشێنێکی بۆمبڕێژکراو له‌ به‌غدای پایته‌ختی عیراق به‌لایه‌ن که‌مه‌وه‌ 15 که‌س گیانیان له‌ده‌ستدا و 36 که‌سی تر برینداربوون.

کا‌رمه‌ندانی پولیس ده‌ڵێن ماشێنه‌که‌ له‌ نێو قه‌ڵه‌باڵغییه‌کی گه‌وره‌ له‌ ناوچه‌یه‌کی بازرگانی له‌ گه‌ڕه‌کی که‌ڕاده‌ ته‌قییه‌وه‌.
کاربه‌ده‌ستانی بزیشکی ژماره‌ی کوژراو و برینداره‌کانیان پشتڕاستکرده‌وه.
جێ ئاماژه‌ بۆکردنه‌ ناوچه‌ بازرگانێکان له‌ عیراق به‌زۆری ده‌کرێنه‌ ئامانجی ملیشیکان ئه‌وانه‌ی هه‌و‌ڵ ده‌ده‌ن متمانه‌یی خه‌ڵکی به‌ حکومه‌ت که‌مبکه‌نه‌وه‌و ڕه‌وشی ئاسایش له‌ سه‌رانسه‌ری عیراق خراپتربکه‌ن. ‌
XS
SM
MD
LG