Accessibility links

لوبنان چه‌کدارێکی سوریایی ده‌ستگیر ده‌کات


له‌شکری لوبنان ده‌ڵێت سه‌ربازه‌کانی چه‌کدارێکی سوریاییان ده‌ستگیر کردووه‌ به‌ گومانی ئه‌ندامێتی له‌و ‌ ڕێکخراوه‌ چه‌کداره‌ی هێرشی کرده‌ سه‌ر پاسێک یان ئۆتۆبیسێک له‌ شارێکی باکوری لوبناندا و شه‌ش که‌س له‌و هێرشه‌دا برینداربوون.

له‌ ڕاگه‌یاندنه‌که‌ی له‌شکری لوبناندا هاتووه‌ هێزه‌ سه‌ربازیه‌کان گومانبارێکی سوریاییان ده‌ستگیرکردووه‌ که‌ له‌ پشت ئه‌و هێرشه‌وه‌ بووه‌ له‌ گه‌ڕه‌کێکی سوننه‌ ئاینزای شاری ته‌رابولسدا کرا و شه‌ش که‌سی عه‌له‌وی تیادا برینداربوون.

له‌ شاری ته‌رابولس شه‌ڕی قورس ڕوویداوه‌ له‌ نێوان لایه‌نه‌ لوبنانیه‌کاندا که‌ هه‌ندێکیان پشتیوانی له‌ ڕژێمه‌که‌ی به‌شار ئه‌لئه‌سه‌د ده‌که‌ن و هه‌ندێکیشیان پشتیوانی له‌ ئۆپزسیۆنی سوریایی ده‌که‌ن.

ئه‌و هێرشه‌ی ڕۆژی شه‌ممه‌ ترس و نیگه‌رانیه‌کانی زیاتر کرد سه‌باره‌ت به‌ تێوه‌گلانی لوبنان له‌ شه‌ڕی زیاتر له‌ دوو ساڵه‌ی نێوان سه‌رهه‌ڵداوانی سوننه‌ و لایه‌نگرانی به‌شار ئه‌لئه‌سه‌د سه‌رۆکی سوریا که‌ عه‌له‌ویه‌کانن.
XS
SM
MD
LG