Accessibility links

هه‌ڵسه‌نگاندنێـک بۆ لابردنی عێراق له‌ ژێر به‌ندی حه‌وت


چاوه‌ڕوان‌ده‌کرێت ئه‌نجومه‌نی ئاسایشی نه‌ته‌وه‌ یه‌کگرتووه‌کان ئه‌مڕۆ پـێـنجشه‌ممه‌ ده‌نگ له‌سه‌ر بڕیارێـک بدات بۆ لابردنی عێراق له‌ ژێر به‌ندی حه‌وتی نه‌ته‌وه‌ یه‌کگرتووه‌کاندا.
بڕیاره‌که‌ی ئه‌مڕۆی ئه‌نجومه‌نی ئاسایشی نێوده‌وڵه‌تی و ده‌نگدان له‌سه‌ر هه‌ڵگرتنی سزاکانی تایبه‌ت به‌ به‌ندی حه‌وته‌می نه‌ته‌وه‌ یه‌کگرتووکان له‌سه‌ر عێراق وێڕای لایه‌نه‌ ئه‌رینیـیه‌کانی، چه‌ندین به‌رپـرسیارێتی و ئاسـته‌نگیش ڕووبه‌ڕووی عێراق ده‌کاته‌وه‌ که‌ گرنگترینیان قه‌ره‌بووکردنی جه‌نگی کوه‌یته‌ له‌ سـاڵی 1990 .
به‌ڵام خۆشـحاڵی حکومه‌تی عێراق بۆ گه‌ڕانه‌وه‌ی سه‌روه‌ری ته‌واوه‌تی بۆ خاک و خاوه‌ن بڕیار وه‌ک ده‌وڵه‌تێـک و سه‌ربه‌خۆیی له‌ مامه‌ڵه‌کردن و دان‌پـیادانانی نێوده‌وڵه‌تی به‌و واته‌یه‌ باسی لێوه‌ده‌کرێت له‌ عێراق دوایـین کۆبه‌ندی سیاسی و دارایی شـکاندووه‌ و له‌ ئێسـتاشدا ئه‌مڕۆ وه‌ک ڕۆژی سه‌روه‌ری به‌ فه‌رمی ده‌ناسێنێت.
له‌م باره‌یه‌وه‌ دکتۆر سـاڵح عومه‌ر شـاره‌زا له‌ کاروباری نێوده‌وڵه‌تی پـێی‌وایه‌ له‌م سات و وه‌خته‌دا هێشـتا عێراق نه‌بووه‌ته‌ نمونه‌یه‌کی دیموگرافی له‌ ناوچه‌که‌دا و له‌ ناوخۆی وڵاته‌که‌شـدا ده‌یان قه‌یرانی سیاسی بوونی هه‌یه‌ و ده‌سه‌ڵات هێشـتا جێی متمانه‌ی گه‌له‌که‌ی نیـیه‌ و به‌ تایبه‌ت هه‌رێمی کوردسـتان به‌ مه‌ترسی له‌و حاڵه‌ته‌دا ده‌ڕوانێت.
please wait

No media source currently available

0:00 0:02:56 0:00
Direct link
XS
SM
MD
LG