Accessibility links

نێرگز قادر: هێنده‌ی ئه‌وه‌ی به‌رپرسانی شاری که‌رکوک توندوتیژی به‌رامبه‌ر به‌ خانمان ده‌که‌ن هێنده‌ خه‌ڵک نایکه‌ن‌


له‌ ساڵانی سه‌ره‌تاکانی سه‌ده‌ی ڕابردووه‌وه‌ خانمان له‌ سه‌رانسه‌ری جیهاندا ڕۆژی هه‌شتی مانگی سێیان کردۆته‌ ڕۆژێک بۆ به‌گژدا چونه‌وه‌ی ئه‌و جیاوازی و توندوتیژیانه‌ی به‌رامبه‌ریان ده‌کرا.

ڕۆژی هه‌شتی مانگی سێی هه‌موو ساڵێک ستایشی ئه‌و ده‌ستکه‌وتانه‌ ده‌کرێت که‌ خانمان له‌ ڕووی ئابوری و سیاسی و کۆمه‌ڵایه‌تیه‌وه‌ به‌ده‌ستیان هێناوه‌.

له‌ هه‌مان ده‌میشدا ئه‌م ڕۆژه‌ جیهانیه‌ش بۆته‌ بۆنه‌یه‌ک بۆ ناڕه‌زایی ده‌ربڕین و به‌ گژدا چونه‌وه‌ی هه‌موو ئه‌و جۆره‌ پێشێلکاریانه‌ی به‌رامبه‌ر به‌ خانمان ده‌کرێن له‌ جیهاندا.

له‌گه‌ڵ ئه‌وه‌شدا که‌ پێشتر له‌م ڕۆژه‌دا و له‌ زۆرێک له‌ وڵاتانی جیهاندا ئه‌م ساڵیاده‌ ده‌کرایه‌وه به‌ڵام ساڵی 1977 ئه‌نجومه‌نی گشتی نه‌ته‌وه‌ یه‌کگرتووه‌کان ڕۆژی هه‌شتی مانگی سێی دیارکرد وه‌ک ڕۆژی نه‌ته‌وه‌ یه‌کگرتووه‌کان بۆ مافه‌کانی خانمان و بۆ ئاشتی جیهانی.

نێرگز قادر، ڕۆژنامه‌وان و چالاکوانی مافه‌کانی ژنان له‌ شاری که‌رکوک ده‌ڵێت به‌هۆی ئه‌وبارودۆخی شاری که‌رکوک و ناوچه‌کانی ده‌وروبه‌ری تیادان، ڕه‌وشی خانمان ڕۆژ به‌ ڕۆژ و ساڵ به‌ ساڵ ڕووه‌و خراپتر ده‌ڕوات، وه‌ک ده‌ڵێت هێنده‌ی بایه‌خ به‌ دۆسێ سیاسیه‌کان و ڕه‌وشی پێکهاته‌کان ده‌درێن هێنده‌ بایه‌خ به‌ دۆسێکانی تایبه‌ت به‌ خانمان نادرێن.

له‌ میانه‌ی وتووێژه‌که‌یدا له‌گه‌ڵ هێرۆ زه‌نگه‌نه‌ ، ڕۆژنامه‌وان و چالاکوانی مافه‌کانی خانمان نێرگز قادر ئاماژه‌ش به‌وه‌ ده‌کات زانیاری دروستی له‌لایه‌ که‌ ناوی 20 ژن هه‌ن بۆ کوشتن و تا ئێستاش چواریان کوژراون وه‌ک ده‌ڵێت بۆیه‌ ده‌کوژرێن چونکه‌ وه‌ک ده‌گوترێت "له‌ داب و نه‌ریتی باووباپیرانیان لایانداوه"‌.

نێرگز قادر ده‌شڵێت هیوایه‌کی ئه‌وتۆ به‌ دادگا و هێزی ئاسایشی شاره‌که‌ش نییه‌ چونکه‌ ئه‌مجۆره‌ دۆسێیانه‌ ده‌گاته‌ دادگاکان به‌ڵام چونکه‌ خه‌ڵکی سیاسیان له‌ پشته‌وه‌یه‌ ئه‌وا دادگا ناچار ده‌بێت دۆسێکه‌ به‌شێوه‌یه‌ک له‌ شێوه‌کان دابخات.

زانیاری زیاتر له‌ ده‌قی وتووێژه‌که‌دایه‌:
please wait

No media source currently available

0:00 0:00:00 0:00
Direct link
XS
SM
MD
LG