Accessibility links

ڕاپـۆرتێـک له‌ باره‌ی ته‌قینه‌وه‌کانی ئه‌مڕۆ یه‌کشه‌ممه‌ی پایته‌ختی عێراق


ته‌قینه‌وه‌ی 10 ئۆتۆمبیلی مینڕێژکراو له‌ ناوچه‌ جیاوازه‌کانی به‌غدا، زیاتر له‌ 100 کوژراو و برینداری لێـکه‌وته‌وه‌.
هێرشه‌کانی ئه‌مڕۆ یه‌کشه‌ممه‌، ناوچه‌کانی سه‌در و مه‌عامل و حوسنیـیه‌ و که‌مالیـیه‌ و شه‌قامی فه‌ڵه‌ستین و که‌ڕاده‌ و سه‌یدیـیه‌ی کرده‌ ئامانج که‌ به‌ ناوچه‌ میلـلی و هه‌ژارنشینه‌کانی به‌غدا هه‌ژمارده‌کرێن، هاوکات به‌ زۆرینه‌ش دانیشـتوانه‌کانیان شیعه‌ مه‌زهه‌بن.
به‌پـێی ڕاگه‌یاندنه‌کانی وه‌زاره‌تی ته‌ندروسـتی و ناوخۆی عێراق هه‌تا ئێسـتا ژماره‌ی کوژراوه‌کان 28 که‌سه‌ و نزیکه‌ی 124 برینداریش گه‌یه‌نراونه‌ته‌ نه‌خۆشـخانه‌کانی نزیک ڕووداوه‌که‌، به‌ڵام به‌پـێی زانیاریه‌ نافه‌رمیـیه‌کان ژماره‌ی کوژراوه‌کان زۆر زیاتره‌ له‌و ئاماره‌ی له‌ لایه‌ن وه‌زاره‌تی ته‌ندروسـتی عێراقه‌وه‌ بڵاوده‌کرێته‌وه‌.
هاوکات هێزه‌کانی پـۆلیسی به‌غداش ڕایانگه‌یاند‌ هه‌ر ئه‌مڕۆ زیاتر له‌ 4 ئۆتۆمبیلی مینڕێژکراویان پـوچه‌ڵ کردووه‌ته‌وه‌ به‌ر له‌وه‌ی بته‌قێنرێنه‌وه‌.
له‌ لایه‌کی تریشه‌وه‌ هێزێـکی زۆری سوپای عێراق له‌ ناوچه‌کانی به‌غدا بڵاوه‌یان‌پـێکراوه‌ و ته‌واوی خاڵه‌کانی پـشـکنینی سه‌ر ڕێـگای ده‌ره‌وه‌ و ناوه‌وه‌ی پایته‌ختی عێراقیش چڕکراونه‌ته‌وه‌ له‌ چاودێری هاتووچۆ و هه‌روه‌ها پـشـکنین بۆ سه‌رنشین و ئۆتۆمبیلی سه‌ر ڕێـگاکان.
please wait

No media source currently available

0:00 0:00:00 0:00
Direct link
XS
SM
MD
LG