Accessibility links

ناڕه‌زایی ڕۆژنامه‌وانانی میسر


ڕۆژنامه‌وانانی میسر ناڕه‌ازایی خۆیان ده‌رده‌بڕن به‌رامبه‌ر بڕیاری خانه‌ی سه‌ره‌وه‌ی په‌رله‌مانی میسر.
ژماره‌یه‌ک له‌ ڕۆژنامه‌وانانی وڵاتی میسر ' ستونه‌کانی خۆیان له‌ ڕۆژنامه‌کانی وڵاته‌که‌دا به‌ سپی جێهێشتوه‌ه‌ به‌بێ ئه‌وه‌ی هیچ شتێکی ئه‌وتۆی تیادا بنوسن وه‌ک ناڕه‌ازایی ده‌ربڕین بۆ ده‌ستنیشانکردنی 50 ڕۆژنامه‌وان بۆ بڵاوکردنه‌وه‌کانی سه‌ر به‌ ده‌وڵه‌تی میسر له‌لایه‌ن خانه‌ی سه‌ره‌وه‌ی په‌رله‌مانی میسره‌وه‌.
زۆرێک له‌و ڕۆژنامه‌وانانه‌ی ده‌ستنیشانکراون به‌ ڕوانینی ئیسلامگه‌رایی ناسروان.
له‌ بری نوسینه‌کانیان، ڕۆژنامه‌نوسه‌کان له‌ ڕۆژنامه‌ سه‌ربه‌خۆکانی وڵاته‌که‌دا ته‌نها تێبینی کورتییان نوسیوه‌ له‌سه‌ر ئه‌و ناڕه‌زاییانه‌ی هه‌یانه‌ که‌ به‌ هه‌وڵێکی ڕێکخراوی ئیخوان ئه‌لموسلمینی میسر ناودێریان کردووه‌ بۆ کۆنترۆڵ کردنی میدیای ده‌وڵه‌تی میسر.
خانه‌ی سه‌ره‌وه‌ی په‌رله‌مانی میسر ‌ئیسلامیه‌کان زۆرترایه‌تین تیایدا و زۆربه‌شیان سه‌ر به‌ ئیخوانه‌کانن.
ئه‌م ڕێکخراوه‌ فه‌نده‌مێنتالیه‌ گازه‌نده‌ ده‌کات که‌ ڕووماڵکردنه‌کان هه‌م بۆ ئیخوانه‌کان و هه‌میش بۆ موحه‌مه‌د مورسی سه‌رۆکی میسر به‌ شێوه‌یه‌کی نێگه‌تیڤانه‌ کراون.
خانه‌ی سه‌ره‌وه‌ی په‌رله‌مان که‌ به‌ ئه‌نجومه‌نی شورا ناسراوه‌، به‌ فه‌رمی خاوه‌نی میدیای ده‌وڵه‌تی میسره‌ وه‌ک ڕۆژنامه‌کانی ئه‌لئه‌هرام و ئه‌لئه‌خبار.
XS
SM
MD
LG