Accessibility links

نەتەوە یەکگرتووەکان داوای ئەنجامدانی لێکۆڵینەوە لە ڕووداوەکەی جزیرە دەکات


گەروە بەرپـرسی نەتەوە یەکگرتووەکان بۆ مافەکانی مرۆڤ داوای لە تورکیا کرد لێکۆڵێنەوە لە ڕووداوەکەی 20 ی مانگی یەکی شاری جزیرە بکات، ئەوەی هێزەکانی حکومەت تەقەیان لە کۆمەڵێـک خەڵکی سیڤیل کرد و لە ئاکامدا 10 کەس برینداربوون.

زەید ڕەعەد ئەلحوسەین سەرۆکی بەشی نەتەوە یەکگرتووەکان بۆ مافەکانی مرۆڤ ئەمڕۆ دووشەممە ئەم داوایەی لە حکومەتی تورکیا کرد و گوتی " داوا لە دەسەڵاتدارانی تورکیا دەکەم ڕێز لە مافە سەرەتایـیەکانی خەڵکی سیڤیل بگرن و دەسـتبەجێ لێـکۆڵینەوە لەو تەقەکردنەی شاری جزیرە بکەن کە لە کەسانی سیڤیل کران."

ئاماژەی بۆ ئەو ڤیدیۆیەی ڕووداوەکە کرد کە چۆن تووشی شۆکی کردووە، ڤیدیۆکە نیشانی دەدات ژن و پـیاو بە ئاڵای سـپـیـیەوە پاڵ بە عەرەبانەیەک دەنێن کە پـێدەچێت تەرمی لەسەربووبێت و لە جادەیەک دەپەڕێنەوە، هاوکات زرێپـۆشێـکی لەشکریش دەیانبینێت.

پاشان مەترسی خۆی دەربڕی لەوەی کامێرمان ڕەفیق تەکین دەسـتگیربکرێت، ئەوەی ڤیدیۆی ڕووداوەکەی گرتبوو، گوتی " گرتنی وێنەی کارێکی دڕندانە تاوان نیـیە، بەڵام تەقەکردن لە خەڵکی سیڤیل بەبێ هیچ گومانێـک تاوانە."

هەروەها باسی لەوەش کرد کاربەدەسـتانی تورکیا پـێـیان گوتووە لە نێوان 20 ی مانگی حەوتی ساڵی ڕابردوو هەتا 28 ی مانگی دوازدە 205 پـۆلیس و جەندرمە و سەرباز کوژراون.

بۆ ئاگاداری ڤیدیۆی ڕووداوەکە دیمەنی ناخۆشی تێدایە

ڕووداوە خوێناویـیەکەی 20 ی مانگی یەکی شاری جزیرە
please wait

No media source currently available

0:00 0:01:56 0:00

XS
SM
MD
LG