Accessibility links

داعش 4 چەکداری حەشدی شەعبی بە شێوەیەکی دڕندانە دەسووتێنن


داعش ڤیدیۆیەکی نوێی کوشـتنکاریـیە دڕندانەیـیەکانی خۆی بڵاوکردووەتەوە کە تیایدا نیشـانی دەدات 4 ئەندامی حەشدی شەعبی بە زیندوویی دەسوتێنن.

ڤیدیۆکە مۆری ویلایەتی ئەنباری خۆیانیان لەسەر داناوە و سەرەتا چەکدارەکانی حەشدی شەعبی بە ئەشکەنجەدانی سووننەکان تاوانباردەکەن و ئەو چوار کەسە بە جلوبەرگی ڕەنگ پـرتقاڵی نیشـان دەدەن کە دەڵێن خەڵکی پارێزگاکانی باشوری عێراقن.

پاشان چوار کەسە بە شێوازی سەدەکانی ناوەڕاست بە زنجیر قۆڵ و قاچ بەستکراون و لە بەردەم چوار چەکداری بەرگ ڕەشی خۆیان دادەنێن و چەکدارێـکیش لە پـیشیانەوە هەڕەشە دەکات و دەڵێت ئەم چوارە لە تۆڵەی هێرشی شیعەکان دەسووتێنن.

دواتر چوار کەسە بە زنجیر بە ئاسنێـکی هاوشێوەی جۆلانێ دەبستنەوە و نیشـانی دەدەن ئاگریان تێبەردەدەن.

شیکەرەوان دەڵێن داعش لە کوشتنکاریـیەکانی دڕندانەترین شێواز دەگرێتەبەر و بە ڤیدیۆ بڵاویان دەکاتەوە تاوەکو خەڵکی لێـیان بترسێت و کەس لەو ناوچانەی داگیری کردوون نەوێرێت دەنگی ناڕەزایی بەرزبکاتەوە.

XS
SM
MD
LG