تورکیا لەبەردەم هەڵبژاردنی پێشوەختدایە و وەک ڕەجەب تەیب ئەردۆغان سەرۆکی وڵاتەکە داوای کردووە پێویستە لە مانگی یازدەدا ئەو هەڵبژاردنە بکرێت.
لایەنە سیاسیەکانی تورکیا لە پاش هەڵبژاردنەکەی مانگی 6 ی ڕابردوو نەیانروانی حکومەتێکی هاوپەیمانی پێکبهێنن، کە لەو هەڵبژاردنەدا پارتی داد و گەشەپێدان پاشەکشەیەکی بەرچاوی کرد لە ڕێژەی دەنگەکانیدا.
کەمال چۆمانی، نوسەر و لێکۆڵەر دەڵێت لەوبڕوایەدا نییە ئەنجامەکانی هەڵبژاردنی پێشوەخت گۆڕانێکی ئەوتۆی بەسەردا بێت و دەشڵێت لەوانەشە لایەنەکانی تورکیا بگەیشتنایەتە ڕێکەوتن ئەگەر هاتبا و لە ڕێی دەستورییەوە ڕەجەب تەیب ئەردۆغان داوای لە جەهەپە بکردبا بۆ پێکهێنانی حکومەتی نوێ بەڵام ئەردۆغان خۆی سەپاند و دەسەڵاتەکانی خۆی بەکارهێنا تا ئەم دەرفەتە نەدرێتە جەهەپە.
لە میانەی وتووێژەکەیدا لەگەڵ بەڵێن ساڵح، بەڕێز چۆمانی ئاماژەش بەوە دەکات لەوبڕوایەدا نییە هەر سەرۆکی تورکیا و هەمیش پارتی داد و گەشەپێدان بتوانن لەم ماوە کورتەدا تا هەڵبژاردن سیاسەتەکانی خۆیان بگۆڕن چونکە وەک دەڵێت پێیان وایە بەهۆی توندکردنی سیاسەتەکانیان و بەتایبەتیش بەرامبەر پارتی کرێکارانی کوردستان ئیدی ڕێژەی دەنگدەرانیان زیاد دەبێت لەناو ناسیۆنالیستە تورکەکاندا.
زانیاری زیاتر لە دەقی وتووێژەکەدایە:
