چه‌ند رۆژێکه فرۆکه شه‌رکه‌ره‌کانی تورکیا به خه‌ستی بۆمبارانی چیای قه‌ندیل و ده‌ڤه‌ره‌کانی پاراستنی میدیا ده‌که‌ن و ئاماری جیاواز له باره‌ی زیانه‌کانه‌وه بڵاو بوه‌ته‌وه.
به‌ختیار دۆغان ووته بێژێ هێزه‌کانی پاراستنی گه‌ل له هه‌ڤپه‌یڤینێکدا له‌گه‌ڵ به‌شی کوردی ده‌نگی ئه‌مه‌ریکا ده‌ڵێت" هه‌ر وه‌کو ده‌زانن ده‌مێکی درێژه له‌سه‌ر بریاری سه‌رۆک ئاپۆ و که‌جه‌که KCK ئێمه پابه‌ندی ئاگر به‌س بوین و هێزی ئێمه له باکوری کوردستان و له‌سه‌ر هێلی سنوور به بریاری بزوتنه‌وه‌ی ئازادی کوردستان له به‌رامبه‌ر سوپاێ داگیرکه‌ر هیچ جم و جۆڵ و چالاکی له‌شکه‌ری، جم و جۆڵی گه‌ریلاکانمان نوبوو، به‌ڵام سوپای تورکیا هه‌میشه شه‌ری پێفروشتین و ئێمه‌ش خۆمان دوور راگرت له په‌رچوون و پێکدادان. کاک به‌ختیار هه‌ر وه‌ها ده‌ڵێت له‌شکه‌ری تورکیا به ده‌یان فرۆکه هێرشی بردوه‌ته سه‌ر ناوچه‌کانمان و تا ئێستا 5 لێمان کوژراوه و 7 یش بریندار بوونه و زیانێکی زۆریش له هاوڵاتیانی سڤیل و دار و باغچه و درخته‌کانیش که‌وتووه و تا ئێستا ئاگر له‌و ناوه هه‌ر وا به‌رده‌وامه. کاک به ختیار ده‌شڵێت هێرشه ئاسمانیه‌کان له 25، 26، 27، 28 هه‌ر وا به‌رده‌وام بوه.
