Accessibility links

شێرکۆ میروه‌یس: ئێمه‌ رێگا ناده‌ین له‌ درووستکردنی هیچ هێزێک له‌ فۆرمی حشدی شعبی له‌ سنوره‌کانی خانه‌قین


Sherko Merwaes
Sherko Merwaes

چاو و راو هه‌یه‌ گوایه‌ له‌ درووستکردنی تیپێک یان یه‌که‌یه‌کی چه‌کداری له‌ فۆرمی (حشدی شعبی) له‌ ناوچه‌کانی گه‌رمیان که‌ به‌ سه‌رۆک وه‌زیرانی عێراقه‌وه‌ په‌یوه‌ندی هه‌یه‌، ئاخۆ ئه‌و چاو و راوانه‌ تا چه‌ند راست و درووستن و چ کاریگه‌ریه‌کیان هه‌یه‌ بۆ سه‌ر ئه‌و ناوچانه‌ و ئاێینده‌ی هه‌رێم؟

شێرکۆ میروه‌یس ئه‌ندامی سه‌رکردایه‌تی یه‌کێتی نیشتمانی کوردستان و به‌رپرسی مه‌ڵبه‌ندی 8 ی یه‌کێتی له‌ خانه‌قین له‌ هه‌ڤپه‌یڤینێکدا له‌گه‌ڵ به‌شی کوردی ده‌نگی ئه‌مه‌ریکا ده‌ڵێت"له‌ په‌یوه‌ندی به‌ کردنه‌وه‌ی لیوایه‌ک وه‌ یاخود تیپێک له‌ سنوره‌کانی ئێمه‌ و سه‌ر به‌ حشدی شعبی، له‌ راستیدا به‌ هیچ جۆرێک بوونی نییه‌ و به‌ هیچ جۆرێک سه‌ودای له‌گه‌ڵ ناکه‌ین، وه‌ ئه‌گه‌ر هات و که‌سێک به‌ هۆێ نه‌بونی و نه‌داری و باری ناڵه‌باری بژێوی ژیان به‌ تاێبه‌تی له‌ ناوچه‌کانی ئێمه‌ پاڵی پێه‌وه‌ بنێ که‌ په‌یوه‌ندی بکات، ئێمه‌ تا ئه‌و شوێنه‌ی پێیمان بکرێت، تا بتوانین رێگری ئه‌که‌ین، له‌ کاتێکدا ئه‌گه‌ر ئه‌م وڵاته‌ پێویستی به‌ پاراستنه‌ له‌ شوێنێکی وه‌کو خانه‌قین، هیچ مه‌نتقێکی تێدا نییه‌ گه‌نجێک ئاماده‌ نه‌بێ له‌ شاره‌که‌ی خوێدا داکۆکی بکا، له‌ هه‌ڕه‌شه‌کان داکۆکی بکا به‌ڵام بروا له‌ تکریت شه‌ر بکا. کاک شێرکۆ هه‌ر وه‌ها ده‌ڵێت له‌ سنوری خانه‌قین هیچ جۆره‌ هێزێکمان، لیوایه‌ک به‌و ناوه‌ نییه وه‌ ئه‌وه‌ش په‌یوه‌ندی به‌ گرمیانه‌وه‌ هه‌یه‌ باشتر وایه‌ هه‌ڤاڵه‌کانم له‌ گه‌رمیان روونکردنه‌وه‌ له‌سه‌ر ئه‌و پرسه‌ بده‌ن، کاک شێرکۆ ده‌شڵێت به‌ داخه‌وه‌ زۆرێک له‌ ده‌سه‌ڵاتدارانی عێراقی هێشتا به‌ نه‌فه‌سی ده‌ورانی پێشووتر بیر ئه‌که‌نه‌وه‌ و هه‌ر چۆنێک ئه‌بێ دزه‌ بخه‌نه‌ ناو رێزه‌کانی ئێمه‌، ئه‌یانه‌وێ جۆرێک له‌ په‌رته‌وازی، جۆرێک له‌ جێ پێیه‌ک له‌ ناوچه‌کانی ئێمه‌ بکه‌نه‌وه‌، ئه‌مه‌ش بۆ ئاێینده‌ی ئێمه‌ ئیجابی نابێت و خه‌ڵکیش لێره‌ و له‌وێ به‌ ده‌نگی به‌رز ناره‌زایه‌تی هه‌یه‌ به‌م جۆره‌ کار و کرده‌وانه‌، ئێمه‌ به‌ هیچ جۆرێک سه‌ودای له‌گه‌ڵ ناکه‌ین، به‌ هیچ جۆرێک کار ئاسانی ناکه‌ین ‌و بگره‌ رێگریش ئه‌که‌ین".

please wait

No media source currently available

0:00 0:07:05 0:00

XS
SM
MD
LG