ئه‌ڤین عه‌زیز: ئیزیدیه‌کان کوردن و هیچ په‌ێوه‌ندیه‌کیان به یه‌زیدیه‌وه نییه که ئیسلامن
ئیزیدیه‌کان به ره‌گه‌ز کوردن و مێژویه‌کی به‌لای که‌م 10 هه‌زار ساڵه‌یان هه‌یه .
دوابه‌دوایی هێرشی ڕێکخراوی تیرۆرستی داعش بۆ ناوچه‌ی شنگار و ئه‌و کاره‌ساته‌ی به‌سه‌ر ئێزدیه‌کان هات له‌تاڵنکردنی ماڵ و حاڵیان و بردنی ئافره‌تان و کووشتنی پیاوانیان، زۆر پرسیار هاتنه ئاراوه ده‌رباره‌ی ئێزدیه‌کان و مێژوویان، ئایا کوردن یان نا، سه‌رچاوه‌ی ئاینه‌که‌یان له‌کوێوه هاتوه ، چی ده‌په‌رستن. هه‌روه‌ها ئه‌و به‌شه‌ی به‌یه‌زیدی ناسراون و ده‌ڵێن ئه‌وان له‌ئێزدی جیاوازن و به‌ڕه‌چه‌ڵيک عه‌ره‌بن و کوردنین و چه‌ندین پرسیاری‌دیکه، ته‌وه‌ره‌ی ئه‌م گفتووگۆیه‌یه له‌گه‌ڵ ئه‌ڤین عه‌زیزی ڕه‌فتار ناس و توێژه‌ره‌وه‌ی بواری جێنده‌ر.
