Accessibility links

چیک به‌نیازه‌ ڕاهێنان به‌ فڕۆکه‌وانانی عێراقی بکات


 فڕۆکه‌ی جه‌نگی جۆری L-159
فڕۆکه‌ی جه‌نگی جۆری L-159

وه‌زاره‌تی به‌رگری چیک ده‌ڵێت گرێبه‌سـتێـکی له‌گه‌ڵ عێراق مورکردووه‌ بۆ ڕاهێنانی 31 فڕۆکه‌وانی هه‌لیکۆپـته‌ر بۆ هێزی ئاسـمانی عێراق.

وه‌زاره‌ته‌که‌ ڕۆژی چوارشه‌ممه‌ گوتی ڕاهێنانه‌که‌ له‌ شـاری پاردوبیتسه‌ی وڵاته‌که‌ی ئه‌نجامده‌درێت و 12 مانگ ده‌خایه‌نێت و بڕیاره‌ له‌ سه‌ره‌تای سـاڵی داهاتووه‌وه‌ ده‌سـتپـێبکات.

هه‌روه‌ها ڕه‌زامه‌ندی ده‌ربڕیوه‌ له‌سه‌ر فرۆشـتنی 15 فڕۆکه‌ی جه‌نگی جۆری L-159 به‌ عێراق له‌گه‌ڵ پـێدانی 500 تۆن ته‌قه‌مه‌نی به‌ هێزه‌کانی پـێشـمه‌رگه‌. بڕیاره‌ پـێـنجشه‌ممه‌ ته‌قه‌مه‌نیـیه‌کان ڕه‌وانه‌ بکرێن.

چاوه‌ڕوان‌ده‌کرێت هه‌فته‌ی داهاتووش وه‌زیری ناوخۆی چیک ورده‌کاری به‌رنامه‌یه‌کی وڵاته‌که‌ی ڕابگه‌یه‌نێت بۆ مه‌شق و ڕاهێنانی پـۆلیسی هه‌رێمی کوردسـتانی عێراق له‌ لایه‌ن ڕاهێنه‌رانی چیـکیـیه‌وه‌.

XS
SM
MD
LG