Accessibility links

سه‌رۆک خێـڵێـکی یه‌مه‌ن ده‌ڵێت سه‌ربازه‌گه‌یه‌کی پاسه‌وانانی کۆماریان کۆنتڕۆڵ کردووه‌

  • VOA News

سه‌رۆک خێـڵێـکی یه‌مه‌ن ده‌ڵێت سه‌ربازه‌گه‌یه‌کی پاسه‌وانانی کۆماریان کۆنتڕۆڵ کردووه‌

سه‌رۆک خێـڵێـکی یه‌مه‌ن ده‌ڵێت سه‌ربازه‌گه‌یه‌کی پاسه‌وانانی کۆماریان کۆنتڕۆڵ کردووه‌

سه‌رۆک خێـڵێـکی سه‌ر به‌ ئۆپـۆزسیۆنی یه‌مه‌ن ده‌ڵێت ڕۆژی هه‌ینی لایه‌نگرانی ده‌سـتیان گرتووه‌ به‌سه‌ر سه‌ربازگه‌یه‌کی هێزه‌کانی پاسه‌وانانی کۆماری له‌ ده‌ره‌وه‌ی سه‌نعای پایته‌خت و فه‌رمانده‌ی سه‌ربازگه‌که‌یان کوشـتووه‌.

پـیاوانی خێڵـکه‌ ده‌ڵێن به‌ لایه‌نی که‌م 6 که‌س له‌ چه‌کداره‌کانی ئۆپـۆزسیۆن له‌ شه‌ڕه‌کاندا کوژراون. ئاژانسه‌کانی هه‌واڵ له‌ سه‌رچاوه‌کانی دیکه‌ی خێڵه‌که‌وه‌ بڵاویانکرده‌وه‌ که‌ ده‌ڵێن فڕۆکه‌ جه‌نگیـیه‌کانی حکومه‌ت ئه‌و سـه‌ربازگه‌یه‌یان بۆردومان کردووه‌ که‌ ده‌سـتیان به‌سه‌ردا گرتووه‌.

ئه‌م شه‌ڕ و پـێـکدادانانه‌ له‌ کاتێـکدا ڕوویان داوه‌ که‌ هه‌زاران که‌س بۆ خۆپـیشـاندانی دژه‌ حکومه‌ت له‌ سه‌رانسه‌ری یه‌مه‌ن ڕژانه‌‌ سه‌ر شه‌قامه‌کان و داوای کۆتایی‌هێنان به‌ حوکمڕانی عه‌لی عه‌بدوڵڵا سـاڵحیان ده‌کرد.

ئاژانسی هه‌واڵی ڕۆیته‌رز ده‌ڵێت ژماره‌یه‌ک له‌ خۆپـیشـانده‌رانی سه‌ر به‌ ئۆپـۆزسیۆن له‌ سه‌نعای پایته‌خت کۆتری سپـیان ئازادکردووه‌ و کفنی ئه‌و قوربانیـیانه‌یان هه‌ڵگرتووه‌ که‌ له‌ خۆپـیشـاندانه‌کانی ئه‌م دوایـیانه‌دا کوژراون. هاوکات و له‌ دوری چه‌ند کیلۆمه‌ترێـک لایه‌نگرانی حکومه‌تیش خۆپـیشـاندانی خۆیان سـازداوه‌.

گه‌واهیده‌ران و چالاکوانان ده‌ڵێن له‌ ئاکامی شه‌ڕ و پـێـکدادانی نێوان هه‌ردوولا له‌م هه‌فته‌یه‌ نزیکه‌ی 100 که‌س کوژراون.

XS
SM
MD
LG