Accessibility links

له‌ باکوری یه‌مه‌ن حوسیـیه‌کان له‌گه‌ڵ خێڵکی سه‌ر به‌ حکومه‌ت به‌ ئاگربه‌سـت ده‌گه‌ن

  • VOA News

هێزه‌کانی ئاسایشی یه‌مه‌ن له‌ خاڵێـکی پشـکنین سه‌یری ناو ئۆتۆمبیله‌کان ده‌که‌ن، (ئه‌رشیفی وێنه‌)

هێزه‌کانی ئاسایشی یه‌مه‌ن له‌ خاڵێـکی پشـکنین سه‌یری ناو ئۆتۆمبیله‌کان ده‌که‌ن، (ئه‌رشیفی وێنه‌)

کاربه‌ده‌سـتان له‌ یه‌مه‌ن ده‌ڵێن خێڵێـکی سه‌ر به‌ حکومه‌ت له‌گه‌ڵ یاخیبووه‌ حوسیـیه‌کان له‌ باکوری وڵات به‌ ئاگربه‌ستێـک گه‌یشتوون پاش ئه‌و شه‌ڕ و پـێـکدادانه‌ی هه‌فته‌ی ڕابردوو له‌ ناوچه‌که‌دا که‌ بووه‌ مایه‌ی کوژرانی نزیکه‌ی 70 که‌س.

کاربه‌ده‌سـتان ده‌ڵێن ئاگربه‌سـته‌که‌ ڕۆژی یه‌کشه‌ممه‌ له‌ لایه‌ن ناوبژیوانانه‌وه‌ مۆرکرا و تیایدا داوا کراوه‌ شه‌ڕه‌که‌ ڕابگیرێت و ڕێـگه‌کانی هاتوچۆ بکرێنه‌وه‌ پاش لابردنی به‌ربه‌سـته‌کان و هه‌روه‌ها مینه‌کانی له‌سه‌ر ڕێـگاکاندا چێنراون.

هه‌فته‌ی ڕابردوو هێزه‌کانی حکومه‌ت ڕه‌وانه‌ی ناوچه‌که‌ کران به‌ مه‌به‌سـتی ڕاگرتنی ئه‌و شه‌ڕه‌ی نێوان خێڵی عه‌زیزی سه‌ر به‌ حکومه‌ت و یاخیبووه‌ حوسیـیه‌کان هه‌ڵگیرسا.

ئه‌و پـێـکدادانه‌‌ به‌ خوێناویترین شه‌ڕ له‌ ناوچه‌که‌دا داده‌نرێت له‌وه‌تای له‌ مانگی دووه‌وه‌ ئاگربه‌ست له‌ نێوان حکومه‌تی یه‌مه‌ن و یاخیبووه‌ حوسیـیه‌کان مۆرکرا، له‌ پاش شه‌ش سـاڵ له‌ شه‌ڕ و پـێـکدادانی نێوانیان.

شایانی باسه‌ سه‌رهه‌ڵـداوانی حوسی ده‌ڵێن حکومه‌ت له‌ ڕووی کۆمه‌ڵایه‌تی و ئابوری و ئاینیـیه‌وه‌ جوداخوازیـیان له‌گه‌ڵدا ده‌کات. کاربه‌ده‌سـتانی یه‌مه‌نیش نکۆڵی له‌وه‌ ده‌که‌ن.

بابه‌تی په‌یوه‌ندیدار

XS
SM
MD
LG