Accessibility links

سه‌رۆکی یه‌مه‌ن به‌ پـلانێـک بۆ ده‌سـت‌ له‌کارکێشـانه‌وه‌ی قایل بووه‌

  • VOA News

سه‌رۆکی یه‌مه‌ن به‌ پـلانێـک بۆ ده‌سـت‌ له‌کارکێشـانه‌وه‌ی قایل بووه‌

سه‌رۆکی یه‌مه‌ن به‌ پـلانێـک بۆ ده‌سـت‌ له‌کارکێشـانه‌وه‌ی قایل بووه‌

خۆپیشاندانی دژ حکومه‌ت له‌ یه‌مه‌ن به‌رده‌وامه‌ وه‌کو هه‌وڵێک بۆ فشار خستنه‌ سه‌ر عه‌لی عه‌بدوڵڵا ساڵح تا به ‌زووترین کاتی ده‌سه‌ڵات به‌جێبهێڵێت ئه‌مه‌ش ڕۆژێک پاش ئه‌وه‌ی که‌ کاربه‌ده‌ستانی حکومه‌تی یه‌مه‌ن ڕایانگه‌یاند سه‌رۆک عه‌لی عه‌بدوڵڵا ساڵح ڕازی بووه‌ به‌ پێشنیازێکی ناوبژیوانانی وڵاتانی که‌نداوی عه‌ره‌ب که‌ داوای لێده‌که‌ن له‌ ماوه‌ی 30 ڕۆژدا ده‌ست له‌ کار بکێشێته‌وه‌و ده‌سه‌ڵات بگوێزێته‌وه‌.

کاربه‌ده‌ستان له‌ ڕۆژی شه‌ممه‌ ڕایانگه‌یاند که‌ حکومه‌ت ئه‌نجومه‌نی 6 وڵاتی هاوکاری که‌نداوی ئاگادار کردووه‌ته‌وه‌ که‌ سه‌رۆک ساڵح پلانه‌که‌یانی په‌سه‌ند کردووه‌، ئه‌وه‌ی‌ داوای وازهێنانی له‌ ده‌سه‌ڵاتی 30 ساڵه‌ی ده‌کات. له‌ بری ئه‌وه‌ په‌ناپارێزی دادگایی نه‌کردنی بدرێته‌‌ خۆی و ئه‌ندامانی خێزانه‌که‌ی له‌گه‌ڵ کاربه‌ده‌سته‌ باڵاکانی حکومه‌ته‌که‌ی.

له‌و پلانه‌دا داوا کراوه‌ له‌ سه‌رۆک ساڵح که‌ ده‌سه‌ڵات بگوێزێته‌وه‌ بۆ جێگرێکی و پاشان هه‌ڵبژاردن ئه‌نجام بدرێت. هه‌روه‌ها حکومه‌تێکی یه‌کگرتوو پێکبهێنرێت که‌ تیایدا پارتی ده‌سه‌ڵاتدار نیوه‌ی پـۆسته‌کانی به‌ ده‌سته‌وه‌ بمێنێته‌وه‌ و له‌ سه‌دا 40 یشی بدرێته‌ ئۆپۆزسیۆن و کورسییه‌کانی تریش بۆ پارته‌ سه‌ربه‌خۆکان.

سکرتێری گشتی ئه‌نجومه‌نی هاوکاری که‌نداوی عه‌ره‌ب عه‌بدول له‌تیف ئه‌لزه‌ینی له‌ هه‌وڵێکدا بۆ کۆتایی هێنان به‌ ناکۆکییه‌کانی یه‌مه‌ن، ئه‌م پلانه‌ی له‌ ڕۆژی پێنجشه‌ممه‌ خسته‌ به‌رده‌م سه‌رۆکی یه‌مه‌ن عه‌لی عه‌بدوڵلا ساڵح.

XS
SM
MD
LG