Accessibility links

سه‌رۆکی یه‌مه‌ن له‌ ڕێـککه‌وتنی گواستنه‌وه‌ی ده‌سه‌ڵات پاشگه‌زبووه‌ته‌وه‌

  • VOA News

به‌ هه‌زاران خۆپـیشـانده‌ری دژه‌ حکومه‌ت ڕژاونه‌ته‌ سه‌ر شه‌قامه‌کانی سه‌نعای پایته‌ختی یه‌مه‌ن، یه‌کشه‌ممه‌ 22 ی پـێـنجی 2011

به‌ هه‌زاران خۆپـیشـانده‌ری دژه‌ حکومه‌ت ڕژاونه‌ته‌ سه‌ر شه‌قامه‌کانی سه‌نعای پایته‌ختی یه‌مه‌ن، یه‌کشه‌ممه‌ 22 ی پـێـنجی 2011

سه‌رۆکی یه‌مه‌ن وا دیاره‌ جارێکی تر له‌ مۆرکردنی ڕێککه‌وتنی وڵاتانی که‌نداو پاشگه‌زبووبێته‌وه‌ که‌ به‌ پێی ئه‌و ڕێککه‌وتنه‌ ده‌بێت له‌ ماوه‌ی مانگێکدا ده‌ست له‌ کار بکێشێته‌وه‌.

سه‌رۆک عه‌لی عه‌بدوڵڵا ساڵح ئه‌مڕۆ یه‌کشه‌ممه‌ گوتی نایه‌وێت ڕێککه‌وتنێک مۆر بکات که‌ له‌ پشت ده‌رگای داخراو داڕێژرابێت.

ئه‌م لێدوانه‌ی چه‌ند کاتژمێرێک به‌ر له‌ کاتی مۆرکردنی ڕێککه‌وتنه‌که‌دا هات.

به‌رنامه‌ی مۆرکردنی ئه‌م ڕێککه‌وتنه‌ دوو جار دواخراوه‌ به‌هۆی ناڕه‌زایی له‌ لایه‌ن سه‌رۆکی یه‌مه‌نه‌وه‌.

ئۆپۆزسیۆنی یه‌مه‌نی دوێنێ شه‌ممه‌ ڕێککه‌وتنه‌که‌یان مۆرکرد به‌و بڕوایه‌ی که‌ سه‌رۆکی یه‌مه‌نیش ئه‌مڕۆ یه‌کشه‌ممه‌ مۆری بکات.

سه‌دان هه‌زار که‌س ئه‌مڕۆ یه‌کشه‌ممه‌ چوونه‌ مه‌یدانێکی ناوه‌ندی سه‌نعای پایته‌خته‌وه‌ که‌ بووه‌ به‌ ناوه‌ندی خۆپیشاندانه‌کانی دژه‌ حکومه‌ت.

له‌ هه‌مان کاتدا پشتیوانانی به‌ڕێز ساڵحیش شه‌قامه‌کانیان گرتبوو و ناڕه‌زاییان دژ به‌ ڕێککه‌وتنه‌که‌ ده‌رده‌بڕی.

له‌ وتارێکی ڕۆژی شه‌ممه‌دا سه‌رۆکی یه‌مه‌ن ڕایگه‌یاند پـێشـنیارێـکی وڵاتانی که‌نداو که‌ له‌ لایه‌ن ئه‌مه‌ریکاوه‌ پـشـتیوانی لێـده‌کرێت هه‌وڵێـکی کوده‌تایه‌ و هۆشـداری ده‌دات ئه‌گه‌ر بێت و ده‌سـتبه‌رداری ده‌سه‌ڵات بـبێت ئه‌وا له‌وانه‌یه‌ ئه‌لقاعیده‌ چه‌ند به‌شێـکی یه‌مه‌ن کۆنتڕۆڵ بکات.

XS
SM
MD
LG