Accessibility links

خۆپـیشـاندانی ناڕه‌زایی یه‌مه‌نیشی گرته‌وه‌

  • VOA News

ژماره‌یه‌ک خوێندکاری یه‌مه‌نی داوا له‌ عه‌لی عه‌بدوڵڵا سـاڵح سه‌رۆکی وڵاته‌که‌یان ده‌که‌ن چاو له‌ سه‌رۆکی تونس زه‌ین ئه‌لعابدین بکات و ده‌سه‌ڵات جێبهێڵێت، شه‌ممه‌ 22 ی یه‌کی 2011

ژماره‌یه‌ک خوێندکاری یه‌مه‌نی داوا له‌ عه‌لی عه‌بدوڵڵا سـاڵح سه‌رۆکی وڵاته‌که‌یان ده‌که‌ن چاو له‌ سه‌رۆکی تونس زه‌ین ئه‌لعابدین بکات و ده‌سه‌ڵات جێبهێڵێت، شه‌ممه‌ 22 ی یه‌کی 2011

به‌ سه‌دان خۆپـیشـانده‌ر له‌ یه‌مه‌ن داوای کۆتایی‌هێنان به‌ حوکمڕانی عه‌لی عه‌بدوڵڵا سـاڵحیان کرد که‌ بۆ ده‌یان سـاڵه‌ سه‌رۆکایه‌تی وڵاتی گرتۆته‌ ده‌ست.

خوێندکاران و خه‌ڵکی ناڕه‌زایی دیکه‌ ڕۆژی شه‌ممه‌ له‌ ناو زانکۆی سه‌نعادا گردبوونه‌وه‌ و دروشمی دژی حکومه‌تیان ده‌گوته‌وه‌.

پـێده‌چێت ئه‌م خۆپـیشـاندانه‌ش ڕه‌نگدانه‌وه‌ی ڕووداوه‌کانی ئه‌م دوایـیه‌ی تونس بێت ئه‌وانه‌ی بوونه‌ مایه‌ی هه‌ڵهاتنی سه‌رۆک زه‌ین ئه‌لعابدین بن عه‌لی.

ئاژانسی هه‌واڵه‌کانی فه‌ڕه‌نسی ده‌ڵێت ژماره‌یه‌ک له‌ خوێندکاره‌کان دروشمیان به‌رزکردبووه‌وه‌ که‌ له‌سه‌ریان نووسـرابوون "په‌ند له‌ شۆڕشی یاسمین وه‌ربگرن" وه‌ک ئاماژه‌یه‌ک بۆ ڕاپه‌ڕینه‌که‌ی تونس. ئاژانسه‌که‌ ده‌شڵێت هه‌ر ڕۆژی شه‌ممه‌ خۆپـیشـاندانێـکی دیکه‌ له‌ سه‌نعا سـازکرا‌، به‌ڵام ئه‌مه‌یان بۆ پـشـتیوانیکردن له‌ سه‌رۆک عه‌لی عه‌بدوڵڵا سـاڵح.

XS
SM
MD
LG