Accessibility links

سه‌رۆکی یه‌مه‌ن داکۆکی له‌ ده‌سه‌ڵاتی خۆی ده‌کات


خۆپـیشـانده‌رانی دژه‌ حکومه‌ت له‌ شـاری ته‌عزی باشوری یه‌مه‌ن دروشـم له‌ دژی سه‌رۆکی وڵاته‌که‌یان ده‌ڵێنه‌وه‌، هه‌ینی 15 ی چواری 2011
خۆپـیشـانده‌رانی دژه‌ حکومه‌ت له‌ شـاری ته‌عزی باشوری یه‌مه‌ن دروشـم له‌ دژی سه‌رۆکی وڵاته‌که‌یان ده‌ڵێنه‌وه‌، هه‌ینی 15 ی چواری 2011

ڕۆژی هه‌ینی سه‌رۆکی یه‌مه‌ن عه‌لی عه‌بدوڵڵا سـاڵح له‌ سه‌نعای پایته‌خت داکۆکی له‌ ده‌سه‌ڵاته‌که‌ی خۆی کرد له‌ کاتێـکدا خۆپـیشـاندانی لایه‌نگران و نه‌یارانی حکومه‌ت به‌رده‌وامبوون.

سه‌رۆک سـاڵح به‌ لایه‌نگرانی خۆی گوت ئاماده‌بوونی ئه‌وان نیشـانه‌ی شه‌رعیه‌تی ده‌سه‌ڵاته‌که‌یه‌تی. هاوکات و له‌ ناوچه‌یه‌کی دیکه‌ی پایته‌ختدا خۆپـیشـاندانی دژه‌ حکومه‌ت سـازکرا.

شه‌وی پـێـنجشه‌ممه‌ کۆمه‌ڵێـک له‌ پـیاوانی ئاینی و خێڵه‌کی ڕایانگه‌یاند که‌وا ئه‌وان لایه‌نگری ئه‌و خۆپـیشـانده‌رانه‌ن که‌ داوای ده‌سـتبه‌رداربوونی عه‌لی عه‌بدوڵڵا سـاڵح له‌ ده‌سه‌ڵات ده‌که‌ن. له‌ ڕاگه‌یاندنێـکدا ئه‌و کۆمه‌ڵه‌ داوایان له‌ سه‌رۆک ساڵح کرد به‌ گوێی ئه‌و داوایانه‌ بکات و به‌ زووترین کات واز له‌ ده‌سه‌ڵات بهێنێت.

ڕێبه‌رانی ئۆپـۆزسیۆن سوورن له‌سه‌ر ئه‌وه‌ی عه‌لی عه‌بدوڵڵا سـاڵح له‌ ماوه‌ی دوو هه‌فته‌دا ده‌سـتبه‌رداری ده‌سه‌ڵات بـبێت.

پـێشـتر له‌م هه‌فته‌یه‌دا، ڕێبه‌رانی ئۆپـۆزسیۆن پـێشـنیارێـکی وڵاتانی که‌نداویان ڕه‌تکرده‌وه‌ که‌ بۆ ناوبژیوانیکردن له‌ گواستنه‌وه‌ی ده‌سه‌ڵات له‌ یه‌مه‌ن کردبوویان. ده‌یانگوت پـلانه‌که‌یان سه‌رۆک و بنه‌ماڵه‌که‌ی ده‌پارێزێت و هیچ واده‌یه‌کی بۆ وازهێنانی عه‌لی عه‌بدوڵڵا سـاڵحی تیادا نیـیه‌.

XS
SM
MD
LG