له کۆنفرانسی تایبه‌تی ڕێکخراوی نه‌ته‌وه یه‌کگرتووه‌کان له شاری نیویۆرک سه‌باره‌ت به سیستمێک بو بڵاونه‌کردنه‌وه‌ی چه‌که ناوکیـیه‌کان له ڕاده‌ی جیهانی دا، سه‌رۆک کۆماری ئێران، مه‌حمود ئه‌حمه‌دی نه‌ژاد هێرشی کرده سه‌ر ئه‌مریکا که یه‌که‌م وڵات بووه چه‌کی ئه‌تۆمی به‌رهه‌م و به‌کاریشی هێناون.
له لایه‌کی تره‌وه کاربه‌دستانی ئه‌مریکا هه‌وڵیان داوه لۆمه‌ی ئیران له دژی خۆیان که‌م بکه‌نه‌وه.
وه‌زاره‌تی به‌رگری ئه‌مریکا ڕایگه‌یاند که له‌ماوه‌ی 1994 هه‌تا 2009 ئه‌و وڵاته 8748 سه‌ره‌موشه‌کی ناوکی هه‌لوه‌شاندۆته‌وه.
له ئه‌م باره‌یه‌وه، دوکتۆر خالید خه‌یاتی ، ماموستای زانسته سیاسی کان له زانکۆی لین شۆپینگ له سوید له وتوویژیک له‌گه‌ڵ ده‌نگی ئه‌مریکا ده‌ڵیت وته‌کانی ئه‌حمه‌دی نه‌ژاد به مه‌به‌ستی هوروژاندنی به تایبه‌تی ئه‌وان له وڵاتانی ئیسلامی دا له دژی ئه‌مریکان. هه‌روه‌ها ناوبراو پێی وایه ڕه‌وته‌کان به قازانجی ئێران ناچنه پێش.
