Accessibility links

ڕوانگه: ڕۆژی جیهانی ژن؛ پێگه‌ی ژنان له کۆمه‌ڵگای کوردی و ده‌ستکه‌وته‌کانی بزووتنه‌وه‌ی ژنان

  • شاهێد عەلەوی

.

ڕۆژی جیهانی ژن له‌ هه‌موو وڵاتانی جیهان به‌ شێوازی جۆراوجۆر ڕێزی لێده‌گیرێت، به‌ڵام ئه‌وه‌ به‌ مانای ئه‌وه‌ نیه‌ که‌ له‌ هه‌موو ئه‌و وڵاتانه‌ ده‌سه‌ڵات و هه‌روه‌ها کولتووری کۆمه‌ڵایه‌تی لایه‌نگری بیرۆکه‌ی به‌رابه‌ری ژن و پیاون و یان به‌ کرده‌وه‌ هه‌نگاو بۆ که‌مکردنه‌وه‌ی کاریگه‌ری کولتووری مێژوویی پیاوسالاری له‌ کۆمه‌ڵگاکه‌یان دا ده‌که‌ن.

کۆمه‌ڵگای کورده‌واری به‌ گشتی و به‌ پێی ڕاده‌ی پێشکه‌وتوویی یه‌ک له‌ ئه‌و کۆمه‌ڵگایانه‌یه‌ که‌ له‌ به‌راورد له‌ گه‌ڵ جیهانی ڕۆژئاوادا به‌ پێی پێوانه‌ی ئه‌و مافانه‌ی فیمینیسته‌کان و چالاکانی مافه‌کانی ژنان هه‌وڵی بۆ ده‌ده‌ن وه‌ک کۆمه‌ڵگایه‌کی دواکه‌وتوو له‌ بواری ژناندا ده‌ناسرێت.

له‌ هه‌مان کاتدا، هێندێک له‌ چالاکان و لێکۆله‌رانی ئه‌م بواره‌ له‌ سه‌ر ئه‌و باوه‌ڕه‌ن که‌ له‌ بواری مافه‌کانی ژنان دا له‌ ساڵانی ڕابردوودا ده‌سکه‌وت گه‌لی باش ده‌سته‌به‌ربووه‌ و به‌ گشتی به‌ داهاتوویه‌کی باش له‌ ئه‌م بواره‌دا گه‌ش بینن.

کوشتنی ژنان به‌ هۆگه‌لی جۆراوجۆره‌وه‌، خۆکوشتنی ژنان، ئازاری بنه‌ماڵه‌یی، ڕێژه‌ی بێکاری ژنان، ڕاده‌ی به‌شدارییان له‌ ده‌سه‌ڵات و ئاماده‌بوونیان له‌ کۆمه‌ڵگادا و به‌ فه‌رمی نه‌ناسینی مافی ژنان بۆ کۆنتڕۆڵی جه‌سته‌ی خۆیان و شێوه‌ی جل و به‌رگیان و هه‌روه‌ها ئه‌و یاسایانه‌ی ئه‌وان له‌ به‌راورد له‌ گه‌ڵ پیاوان ده‌کات به‌ ڕه‌گه‌زی دووهه‌م له‌ کۆمه‌ڵگادا سه‌رجه‌م له‌ ئه‌و کێشانه‌ن که‌ ژنانی کورد له‌ ژیانی خۆیان دا له‌ گه‌ڵی ڕووبه‌ڕوو ده‌بنه‌وه‌.

له‌ به‌رنامه‌ی ڕوانگه‌ی ئه‌م حه‌وتووه‌دا، له‌ وتووێژ له‌ گه‌ڵ به‌ڕێزان خاتوو ڕێگا ڕه‌ئووف، کۆمه‌ڵناس و نووسه‌ر له‌ بواری ژناندا، دانیشتووی سوئد و خاتوو هیوا په‌ناهی، نووسه‌ر و مامۆستای زانکۆ دانتیشتووی‌ نیویۆرک پرسی ژنان له‌ کۆمه‌ڵگای کورده‌واری دا خستۆته‌ به‌ر باس.

XS
SM
MD
LG