Accessibility links

که‌شتی فڕۆکه‌ هه‌ڵگری ئنته‌رپرایز بۆ دوایـین ئه‌رکی که‌وتۆته‌ ڕێ

  • VOA News

یه‌که‌مین که‌شتی فڕۆکه‌ هه‌ڵگری وڵاته‌ یه‌کگرتووه‌کانی ئه‌مه‌ریکا که‌ به‌ وزه‌ی ناوکی کارده‌کات، به‌ره‌و دوایـین ئه‌رکی که‌وتۆته‌ ڕێ.

که‌شتی ناسراو به‌ USS Enterprise دوێنێ یه‌کشه‌ممه‌ له‌ سـتانی ڤێرجینیاوه‌ به‌ڕێکه‌وت و به‌رپـرسـانی هێزی ده‌ریایی وڵاته‌ یه‌کگرتووه‌کانی ئه‌مه‌ریکا ده‌ڵێن که‌شـتی ناوبراو به‌ گه‌شـتێـکی ئاسایی خۆی به‌ره‌و ده‌ریای ناوه‌ڕاست و که‌نداوی فارس ده‌ڕوات، وه‌ مه‌به‌ست له‌م گه‌شـته‌ سه‌نگی خستنه‌ سه‌ر باری ئاسایشی ده‌ریایی له‌و ناوچانه‌دا و هه‌روه‌ها له‌ پـێناو ڕاگرتنی ئارامی هه‌رێمه‌که‌دا.

شایه‌نی باسه‌ که‌شـتی ناوبراو که‌ به‌ بڕی 451 ملیۆن دۆلار دروسـتکراوه‌ و له‌ سـاڵی 1961 ده‌سـتی به‌کارکردن کردووه‌، به‌شـداری له‌ قه‌یرانی موشه‌کی کوبا و جه‌نگی ڤیتنام و هه‌ردوو جه‌نگی عێراق کردووه‌.

که‌شـتیـیه‌که‌ به‌ وزه‌ی 8 ڕیاکته‌ری ناوکی کارده‌کات و گه‌وره‌ترین و دێرینترین که‌شتی ئه‌مه‌ریکایه‌ و له‌سه‌ری زیاتر له‌ 200 هه‌زار سه‌ربازی هێزی ده‌ریایی ئه‌مه‌ریکا کاریان کردووه‌.

له‌ سـاڵی 1986 که‌شتیـیه‌که‌ له‌ فلیمی Top Gun ده‌رکه‌وت.

بڕیاره‌ له‌ پاش گه‌ڕاندنه‌وه‌ی له‌م ئه‌رکه‌ی له‌کاربخرێت.

XS
SM
MD
LG