Accessibility links

خانم کلنتن سه‌باره‌ت به‌ تێرۆرزم و کۆمه‌کی ئابوری وتووێژ له‌گه‌ڵ سه‌رۆکی یه‌مه‌ن ده‌کات

  • VOA News

خانم هێله‌ری کلنتن له‌ میانه‌ی کۆبوونه‌وه‌ی له‌گه‌ڵ سه‌رۆکی یه‌مه‌نی عه‌لی عه‌بدوڵا سـاڵح له‌ سه‌نعای پایته‌خت، سێشه‌ممه‌ 11 ی دوازده‌ی 2011

خانم هێله‌ری کلنتن له‌ میانه‌ی کۆبوونه‌وه‌ی له‌گه‌ڵ سه‌رۆکی یه‌مه‌نی عه‌لی عه‌بدوڵا سـاڵح له‌ سه‌نعای پایته‌خت، سێشه‌ممه‌ 11 ی دوازده‌ی 2011

وه‌زیری ده‌ره‌وه‌ی ئه‌مه‌ریکا هێله‌ری کلنتن بۆ ڕۆژی سێشه‌ممه‌ به‌رده‌وامه‌ له‌ گه‌شـته‌که‌ی له‌ که‌نداوی فارس و گه‌یشـتۆته‌ یه‌مه‌ن. خانم کلنتن له‌وێ وابه‌سته‌یی ئه‌مه‌ریکای دووپات کرده‌وه‌ به‌ کارکردن له‌گه‌ڵ ئه‌و وڵاته‌ له‌ شه‌ڕی تێرۆرزمدا.

دوابه‌دوای کۆبوونه‌وه‌ی له‌گه‌ڵ سه‌رۆک عه‌لی عه‌بدوڵا سـاڵح له‌ سه‌نعای پایته‌ختی یه‌مه‌ن، خانم کلنتن گوتی وڵاته‌ یه‌کگرتووه‌کانی ئه‌مه‌ریکا و یه‌مه‌ن ڕووبه‌ڕووی هه‌ڕه‌شه‌ی هاوبه‌ش بوونه‌ته‌وه‌ وه‌کو قاعیده‌ و میلیتانه‌کانی دیکه‌.

هێله‌ری کلنتن گوتیشی هه‌روه‌ها ئه‌مه‌ریکا به‌ڵێن ده‌دات کۆمه‌کی ئابوری پـێشـکه‌شی یه‌مه‌ن بکات له‌ که‌رتی تایبه‌ت و گشتیدا.

سه‌رۆکی یه‌مه‌ن له‌ میانه‌ی ده‌رکه‌وتنیدا له‌گه‌ڵ خان هێله‌ری هیچ لێـدوانێـکی نه‌دا.

هێله‌ری کلنتن ئه‌م سه‌ردانه‌ نا ڕاگه‌یندراوه‌ی بۆ یه‌مه‌ن ئه‌نجام دا له‌ میانه‌ی ئه‌و گه‌شته‌ی بۆ ژماره‌یه‌ک وڵاتی که‌نداوی فارس که‌ له‌ میر نشینه‌ یه‌کگرتووه‌کانی عه‌ره‌به‌وه‌ ده‌سـتپـێـکرد. خانم هێله‌ری ده‌بێته‌ یه‌که‌مین وه‌زیری ده‌ره‌وه‌ی ئه‌مه‌ریکا که‌ له‌ ماوه‌ی 20 سـاڵدا سه‌ردانی یه‌مه‌نی کردبێت.

XS
SM
MD
LG