Accessibility links

تۆرنادۆ له‌ شـارۆچکه‌یه‌کی ئه‌مه‌ریکا ده‌دات و 89 که‌س ده‌کوژێت

  • VOA News

پـیاوێـک کچێـکی منداڵی هه‌ڵگرتووه‌ که‌ له‌ نێو داروپه‌ردوی ماڵه‌که‌یاندا له‌گه‌ڵ دایکی به‌هۆی تۆرنادۆکه‌وه‌ به‌ درێژایی شه‌و قه‌تیس مابوون، دووشه‌ممه‌ 23 ی پـێـنجی 2011

پـیاوێـک کچێـکی منداڵی هه‌ڵگرتووه‌ که‌ له‌ نێو داروپه‌ردوی ماڵه‌که‌یاندا له‌گه‌ڵ دایکی به‌هۆی تۆرنادۆکه‌وه‌ به‌ درێژایی شه‌و قه‌تیس مابوون، دووشه‌ممه‌ 23 ی پـێـنجی 2011

کاربه‌ده‌سـتان له‌ ویلایه‌تی میزۆری ناوه‌ندی ئه‌مه‌ریکا ده‌ڵێن باوبۆرانی ناسراو به‌ تۆرنادۆ شه‌وی یه‌کشه‌ممه‌ له‌ شـارۆچکه‌یه‌کی داوه‌ و له‌ ئاکامدا به‌ لایه‌نی که‌م 89 که‌س گیانیان له‌ده‌سـتداوه‌.

ئه‌و باوبۆرانه‌ به‌هێزه‌ که‌ له‌ شـارۆچکه‌ی چۆپـلنی دا‌ (نزیکه‌ی 220 کیلۆمه‌تر له‌ خواروی شـاری که‌نساس)، خانووبه‌ره‌ی وێرانکردووه‌ و ئۆتۆمبیلی هه‌ڵگێڕاوه‌ته‌وه‌ و نه‌خۆشـخانه‌یه‌ک که‌ ده‌بووایه‌ چۆڵ بکرایه‌ به‌ خراپی زیانی پێ‌گه‌یاندووه‌‌.

تۆرنادۆکه‌ هه‌ندێـک شـتی بۆ دوری 100 کیلۆمه‌تر بردووه‌.

هه‌روه‌ها تۆرنادۆیه‌کی دیکه‌ له‌ ویلایه‌تی مینه‌سۆتای داوه‌ و یه‌ک که‌سی کوشتووه‌ و نزیکه‌ی 30 که‌سی دیکه‌ی بریندارکردووه‌.

ئه‌م باوبۆرانه‌ به‌هێزانه‌ به‌ درێژایی هێڵێـک له‌ ویلایه‌تی ویسکه‌نسنه‌وه‌ هه‌تاکو ویلایه‌تی ئۆکلاهۆمای گرته‌وه‌.

سه‌رۆک باراک ئۆباما پـرسه‌ و سه‌ره‌خۆشی خۆی ئاڕاسته‌ی بنه‌ماڵه‌ی قوربانیـیه‌کان کرد و به‌ڵێنی دا که‌وا حکومه‌تی فیدراڵی به‌ ته‌واوی پـشـتیوانی له‌ هه‌وڵه‌کانی سه‌رله‌نوێ بنیادنانه‌وه‌ی ناوچه‌که‌ بکات.

XS
SM
MD
LG