وەزیری دەرەوەی ئەمەریکا ڕێکس تیلەرسن وتی پەیوەندییەکانی نێوان وڵاتە یەکگرتووەکان و ڕوسیا ئێستا لە بارێکی باشدا نیە و متمانەش کەم بۆتەوە
دوای کۆبوونەوەکەی لەگەڵ سەرۆکی ڕوسیا ڤلادیمێر پوتن و وەزیری دەرەوەی ڕوسیا سێرجی لاڤرۆڤ تیلەرسن هەڵوێستی ئەمەریکای دووپات کردەوە کە دەبێت سەرۆکی سوریا بەشار ئەسەد واز لە پۆستەکەی بێنێت ئەو هەڵوێستەش ناکۆکییەکی ڕوونی خستۆتە نێوان واشنتن و ڕوسیاوە.
تیلەرسن وتی " متمانەی نێوان دوو وڵاتەکە جێگیر نیە، ئەم جۆرە پەیوەندییە لاوازە نابێت هەبێت لەنێوان دوو وڵاتی هەرە بەهێزی جیهاندا."
سەرچاوە / ڕۆیتەرز