Accessibility links

کۆمپانیای BP ئومێدێـکی زۆری هه‌یه‌ ئه‌م جاره‌ لێچوونی نه‌وته‌که‌ی که‌نداوی مه‌کسیک ڕابگرێت

  • VOA News

هێزه‌کانی زێره‌ڤانی که‌ناره‌کانی ئه‌مه‌ریکا ڕایانگه‌یاند که‌ کۆمپانیای بریتش پترۆلیۆمی ناسراو به‌ BP به‌ شـێوه‌یه‌کی سه‌رکه‌وتووانه‌ ئه‌و لووله‌ شـکاوه‌ی بڕیوه‌ته‌وه‌ ئه‌وه‌ی بۆ شه‌ش هه‌فته‌ ده‌چێت نه‌وتێـکی زۆری لێ‌ڕژاوه‌ته‌ که‌نداوی مه‌کسیکه‌وه‌، به‌ڵام هێشـتا هه‌وڵه‌کان بۆ داپـۆشینی سه‌ری ئه‌و لووله‌یه‌ هه‌ر به‌رده‌وامه‌.

ئه‌مڕۆ له‌ سـتانی لویزیانا ئه‌دمیڕاڵی هێزه‌کانی زێره‌ڤانی ئه‌مه‌ریکا ثاد ئێڵن بۆ په‌یامنێرانی ڕاگه‌یاند که‌ ئه‌و کاره‌ پـێویسـتی به‌ ئامێرێـکی به‌ربه‌سـتکردن هه‌یه‌. ناوبراو گوتیشی بڕیاره‌ له‌ ڕێی ئه‌و ئامێره‌وه‌ نه‌وت و گازی لووله‌که‌ بۆ ناو که‌شـتیـیه‌ک بگوێزرێته‌وه‌.

شایه‌نی باسه‌ سبه‌ی هه‌ینی سه‌رۆک ئۆباما ده‌گه‌ڕێته‌وه‌ بۆ ناوچه‌ی که‌نداو بۆ سه‌رپه‌رشـتیکردنی هه‌وڵه‌کان سه‌باره‌ت به‌ بنبڕکردنی خراپـترین قه‌یرانی ڕژانی نه‌وت له‌ مێژووی ئه‌مه‌ریکادا.

XS
SM
MD
LG