Accessibility links

بەبۆنەی جەژنی نەورۆزەوە وەزیری دەرەوەی ئەمەریکا پەیامێکی پـیرۆزبایی بڵاودەکاتەوە

  • VOA News

ڕێکس تیلەرسن وەزیری دەرەوەی ئەمەریکا

ڕێکس تیلەرسن وەزیری دەرەوەی ئەمەریکا بە بۆنەی جەژنی نەورۆزەوە پەیامێـکی پـیرۆزبایی ئاڕاستەی هەموو ئەو کۆمەڵگەیانەی کردووە کە بەم بۆنەیەوە ئاهەنگ دەگێڕن.

دەقی پەیامەکە:

نەورۆزێکی پـڕ لە خۆشی و شادی دەخوازم بۆ هەموو ئەوانەی لە سەرانسەری جیهان ئاهەنگ دەگێڕن بەم بۆنە لە مێژینەیە کە نیشانەی دەسـتپێکردنی بەهار و ساڵێکی نوێـیە.

ملیۆنان کەس لە سەرانسەری جیهان لە ئەفغانستان، ئازەربایجان، چین، جۆرجیا، هیندستان، ئێران، عێراق، کازاخستان، قیرغزستان، پاکستان، ڕووسیا، سوریا، تاجاکستان، تورکیا، تورکمانستان، ئوزباکستان و خەڵکێکی زۆریش لە وڵاتانی باشور و ناوەندی ئاسیا و کەنداوی فارس، لەم کاتەی ساڵدا ئاهەنگ دەگێڕن لەگەڵ خێزان و هاوڕێکانیان. ئەمڕۆ زۆرێک لە ئەمەریکایـیەکان بەشداری لەم ئاهەنگانە دەکەن و ئەم نەریتە پـیرۆزە کە لە باوباپیرانیان بۆیان ماوەتەوە هاوبەش دەکەن لەگەڵ نەوەی نوێ.

نەورۆز ساتێـکە بۆ ڕوانین لە ساڵەکە بە گیانێکی پڕ لە هیوا و گەشبینیـیەوە. چاومان لە ڕێـیە بۆ پـێکەوە ئاهەنگگێڕان بەم بەهارە نوێـیە، وە بە هیوای ئەم نەورۆزە ئاشتی و خۆش گوزەرانیبۆ هەموو لایەک بهێنێت.

ڕێکس تیلەرسن
وەزیری دەرەوەی ئەمەریکا

لە لایەکی دیکە هەر بەم بۆنەیەوە کونسوڵخانەی گشتی ئەمەریکا لە هەولێری پایتەختی هەرێمی کوردستان پـەیامێـکی پیرۆزبایی ڕاگەیاندووە و ژمارەیەک لە کارمەندانی کۆنسوڵخانەکە لەگەڵ هەردوو هونەرمەند گۆران ساڵح و پەرواز حسێن سروود نەورۆزیان پـێشەکەش کردووە.

XS
SM
MD
LG