ڕێبەرانی کۆماریخواز هەوڵیان بۆ درێژکردنەوەی دە ساڵەی یاسای گەمارۆکانی ئێران دەست پێکردوە. لە دەمێکدا گەمارۆکانی تایبەتی ئەمەریکا بۆ سەر کۆماری ئیسلامی ئێران ماوەیەکی کورتی ماوە، هەواڵنێری ڕۆێتێرز لە زمانی هاوکارانی چەندین سێناتور و ئەندامانی ئەنجومەنی نوێنەران هەواڵیان داوە کە کۆماریخوازان لە هەوڵی درێژکردنەوەی دە ساڵەی ئەو گەمارۆیانە دان.
ڕوێتێرز سێشەمە ٢٥ی مانگی ئوکتۆبر نووسی کە ئیعتباری یاسای ئێستای گەمارۆکانی ئێران ڕۆژی ٣١ی دێسامبر بە کۆتایی دێت و هەر بە ئەو هۆیەش کونگرەی ئەمەریکا مەبەستێتی کەمێک دوای هەڵبژاردنەکان بۆ درێژکردنەوەی ئەو یاسایە دەنگ بدەن.
دوو حەوتوو پێشیش دەنگی ئەمەریکا هەواڵی دابوو کە لانی کەم حەوت سناتۆری دێمۆکڕات خوازیاری درێژکردنەوەی ئەو یاسایە بۆ دە ساڵی داهاتوون.
حەوت کەس لە سناتۆرەکانی پلە بڵندی دێمۆکراتی ئەمەریکا بە ڕێبەری سناتۆر ڕیچارد بلوومنتاڵ لە نامەیەک بۆ مەک کانڵ، ڕێبەری زۆرینەی کۆماریخوازانی سنا، خوازیار بوون کە درێژکردنەوەی یاسای گەمارۆکانی ئێران بۆ ١٠ سالێ دیکە لە سەرووی بڕیارەکانی سێنێت دابنێت.
ئەوان داوایان لە ئەو ڕێبەرەی کۆماریخوازی سێنێت کردبوو لە کۆبوونەوەی سێنێت لە دوای هەڵبژاردنەکانی ئەمەریکا دا پێداهاتنەوە بە درێژکردنەوەی یاساکەدا بکات.
ئاماژەی ئەو سناتۆرانەی دێمۆکڕات بە "یاسای گەمارۆکانی ئیران" ناسراو بە 'داماتۆ' یە. ئەو یاسایە لە ساڵی ١٩٩٦، بە پێشنیاری سناتۆری کۆماریخواز ئاڵفۆنسو داماتۆ پەسند، و لە لایەن سەرۆکی ئەو کاتی ئەمەریکا بێڵ کڵینتن واژۆ کرا و هەر ساڵەی لە مانگی نوامبردا سەرۆکەکانی ئەمەریکا ئەو یاسایەیان بۆ لانی کەم دە ساڵ درێژ کردۆتەوە.
بە گوێرەی ئەم یاسایە ئەو کۆمپانیانەی کە لە ماوی یەک ساڵدا زیاتر لە ٤٠ ملیۆن دوڵار لە ئیران دا سەرمایە وەگەڕ بخەن، لە بازرگانی لە گەڵ حکومەتی ئەمەریکا بێ بەش دەکرێن.
سەرەڕای ئەوەی کە ڕێکەوتنی ناوکی ساڵی پاری ئێران لە گەڵ کۆمەڵگای جیهانی، گەمارۆکانی نێونەتەوەیی بۆ سەر ئێران هەڵگیران، بەڵام هێشتاش گەمارۆکانی ئەمەریکا بە هۆێ پێشێلکرانی مافەکانی مرۆڤ لە لایەن ئێرانەوە و هەروەها پرۆگرامی موشەکی ئێران، هەروا درێژەیان هەنە.
لە ئێستا دا، دوو گەڵالەی دیکەش لە لایەن دێمۆکڕاتەکان و کۆماریخوازانی سێنێتەوە بۆ درێژکردنەوەی یاساکانی گەمارۆ بۆ سەر ئێران پێشنیار کراون.
گەڵاڵەی کۆماریخوازان بە سەرنجدان بە هەوڵەکانی موشەکەکانی باڵستیکی ئێران، گەمارۆکانی سازادان بە شێوەیەکی بەربڵاوتر بە گەڵاکە زیاد کراون.