Accessibility links

هێلەری کلنتن و دۆناڵد ترەمپ هەڵبژاردنە بەرایـیەکانی نیویۆرک دەبەنەوە

  • VOA News

هێلەری کلنتن و دۆناڵد ترەمپ سەرکەوتنیان بەدەسـتهێنا لە هەڵبژاردنە بەرایـیەکانی سەرۆکایەتی ئەمەریکا لە ویلایەتی نیویۆرک و بەمەش زیاتر نزیک دەبەنەوە لەوەی ببنە کاندیدی پارتەکانیان.

دوێنێ سێشەممە هەڵبژاردنەکان بەڕێوەچوون بۆ هەردوو پارتی دیموکرات و کۆماری لەو ویلایەتە گرنگەی باکوری ڕۆژهەڵاتی ئەمەریکا.

ئەنجامی هەڵبژاردنی دیموکراتەکان نیشانی دا هێلەری کلنتن وەزیری پـێشووی دەرەوە زیاتر لە ملیۆنێـک کەس دەنگیان پـێداوە کە دەکاتە 57.9% ی دەنگدەران و بەمەش پـشـتیوانی 139 شاندی بردەوە.

سیناتۆر بێرنی ساندەرسی ڕکابەری 752 هەزار دەنگی هێناوە، واتە 42.1% ی دەنگەکان و بەم ئەنجامە پشـتیوانی 106 شاندی بەدەسـتهێنا.

لە هەڵبژاردنی کۆماریـیەکانیش، ملیاردێر دۆناڵد ترەمپ دەنگی 518 هەزار کەسی لەگەڵدا بوو کە 60.5% ی بەشداربووانی دەنگدانەکە دەکات و بەم ئەنجامە 89 شاندی بردەوە. بەڵام سیناتۆر تێد کروز کە ڕکابەری سەرەکیـیەتی پـشتیوانی هیچ شاندێـکی بەدەسـت نەهێنا، هەرچەندە 123 هەزار کەس دەنگیان بۆ دا کە دەکاتە 14.5% ی دەنگدەران. جۆن کەیسک فەرمانڕەوای ویلایەتی ئۆهایۆ کە لە پلەی سێـیەمی پـێشـبڕکێـی کۆماریـیەکاندایە، 214 هەزار کەس دەنگیان پێ دا واتە 25.1% ی دەنگدەران و بەم ئەنجامە 3 شاندی بردەوە.

بەم پـێـیە ئەنجامی هەڵبژاردنە بەرایـیەکانی هەردوو پارت هەتا ئێسـتا بەم شێوەیە دەبن:

کۆماریـیەکان

دۆناڵد ترمپ: 845 نوێنەر

تێد کروز: 559 نوێنەر

جۆن کەیسک: 147 نوێنەر

دیموکراتەکان

هێلەری کلنتن: 1902

بێرنی ساندەرس: 1182

XS
SM
MD
LG