Accessibility links

گه‌وره‌ کاربه‌ده‌ستێـکی ئه‌مه‌ریکا ده‌ڵێت پـیلانی بۆمبه‌که‌ ده‌سـتی ئه‌لقاعیده‌ له‌ یه‌مه‌نی تێدایه‌

  • VOA News

وه‌زیری ئاسایشی نیشـتیمانی وڵاته‌ یه‌کگرتووه‌کانی ئه‌مه‌ریکا جانێت نه‌پـۆلیتانۆ، (ئه‌رشیفی وێنه‌)

وه‌زیری ئاسایشی نیشـتیمانی وڵاته‌ یه‌کگرتووه‌کانی ئه‌مه‌ریکا جانێت نه‌پـۆلیتانۆ، (ئه‌رشیفی وێنه‌)

وه‌زیری ئاسایشی نیشـتیمانی وڵاته‌ یه‌کگرتووه‌کانی ئه‌مه‌ریکا جانێت نه‌پـۆلیتانۆ ده‌ڵێت دوو سـندوقی پـڕ ته‌قه‌مه‌نی که‌ له‌ یه‌مه‌نه‌وه‌ ڕه‌وانه‌کرابوون و ئامانجیان ئه‌مه‌ریکا بوو، مۆرکی ئه‌لقاعیده‌ی پـێوه‌یه‌، به‌ تایبه‌تی لقی ئه‌لقاعیده‌ له‌ یه‌مه‌ن.

هه‌روه‌ها نه‌پـۆلیتانۆ ئه‌مڕۆ شه‌ممه‌ به‌ میدیاکانی وڵاته‌ یه‌کگرتووه‌کانی ئه‌مه‌ریکا ڕاگه‌یاند لێـکۆڵینه‌وه‌ ده‌سـتپـێـکراوه‌ و ده‌بێت چی له‌ ناو سـندوقه‌کاندا هه‌یه‌ شیبکرێنه‌وه‌ بۆ ئه‌وه‌ی بگه‌نه‌ سه‌رئه‌نجامێـکی دوروست.

گوتیشی پـێده‌چێت سـندوقه‌کان مادده‌ی کیمیاوی ته‌قێنه‌ره‌وه‌ی جۆری PETN ی تێدابێت.

ئه‌مه‌ریکا و یه‌مه‌ن و به‌ریتانیا به‌ دوای تێرۆریستی گومانبار ده‌گه‌ڕێن ئه‌وانه‌ی سـندوقه‌کانیان ڕه‌وانه‌کردبوو بۆ شوێنی په‌رسـتگای جووه‌کان له‌ شـاری شیـکاگۆ.

سـندوقه‌کان له‌ دوو فڕۆکه‌ له‌ به‌ریتانیا و دوبه‌ی دۆزرابوونه‌وه‌.

ڕۆژی هه‌ینی سه‌رۆکی وڵاته‌ یه‌کگرتووه‌کانی ئه‌مه‌ریکا باراک ئۆباماش ئه‌و سـندوقانه‌ی به‌ هه‌ڕه‌شه‌یه‌کی تێرۆریسـتی ڕاسته‌قینه‌ ناوبرد.

بابه‌تی په‌یوه‌ندیدار

XS
SM
MD
LG