Accessibility links

پـۆلیسی تورکیا دەیان شارەزای دارایی بە تۆمەتی پەیوەندی بە گولەنەوە دەسـتگیردەکات

  • VOA News

ئاژانسی هەواڵەکانی دەوڵەتی تورکیا دەڵێت هێزەکانی پۆلیسی وڵات بە دەیان کەسیان لە بەڕێوەبەرێتی ڕێکخستنی کاروباری بانکی لە یەکێک لە گەورەترین زانکۆکانی ئستەنبوڵ دەستبەسەرکردووە ، ئەمەش وەک بەشێک لە بەردەوامی لێکۆڵینەوە و لێپـێچینەوەی ئاکامی کودەتا شکست خواردوەکەی 15 ی مانگی رابردوو لە تورکیا، ئەوەی کوژرانی 270 کەسی لێکەوتەوە.

لەو بارەیەوە ئاژانسی هەوڵەکانی ئانادۆڵو رایگەیاند 29 چاودێر و وردبینی لە ئاژانسی سەرپەرشتیاری لە دەمێکی زووی ڕۆژی دوو شەممەدا دەستگیرکران بە تۆمەتی ئەنجامدانی لێکۆڵینەوەی نایاسایی لە ساڵی 2013 دا پەیوەست بەو سەرمایەدار و دامەزراوانەی کە پەیوەندیان بە حکومەتی تورکیاوە هەبووە.

هاوکات فەرمانی دەستبەسەرکردن بۆ 62 کەسایەتی ئەکادیمی دەرکراوە ئەوانەی لە زانکۆی ئستەنبوڵ کاردەکەن. ڕۆژی دوو شەممەی ڕابردوو پـۆلیسی تورکیا لە درێژەی هەڵمەتی دەستگیرکردنی گومانلێکراوان بە تێوەگلانیان لە هەوڵی کودەتاکە ، 44 کەسیان دەسگیر کرد.

جێی ئاماژەیە حکومەتی تورکیا فەتحوڵا گولەنی کەسایەتی ئاینی بنکە لە ویلایەتە یەکگرتووەکانی ئەمەریکا بە پلانڕیژی بۆ هەوڵی کودەتاکە تۆمەتبار دەکات، دەسەڵاتدارانی تورکی دەستیان بە هەڵمەتێکی بەرین کردووە بۆ سەر بزوتنەوەکەی گولەن و هەتا ئێستا پتر لە 40 هەزار کەسیان دەست بەسەر کردووە و هەروەها بە دەیان هەزار کارمەندیان لە کارەکانیان دەرکردووە.

XS
SM
MD
LG